ಡೇವಿಸ್‌ ಕಪ್‌: ವಿಶ್ವ ಗುಂಪಿನ ಪಂದ್ಯದಲ್ಲಿ ಭಾರತಕ್ಕೆ ಫಿನ್ಲೆಂಡ್‌ ತಂಡ ಎದುರಾಳಿ
ನವದೆಹಲಿ: ಭಾರತ ತಂಡ, ಸೆಪ್ಟೆಂಬರ್‌ನಲ್ಲಿ ನಡೆಯಲಿರುವ ಡೇವಿಸ್‌ ಕಪ್‌ ವಿಶ್ವ ಗುಂಪಿನ ಪಂದ್ಯದಲ್ಲಿ ಫಿನ್ಲೆಂಡ್‌ ತಂಡವನ್ನು ಎದುರಿಸಲಿದೆ.
ಇತ್ತೀಚೆಗೆ ನಡೆದ ಡೇವಿಸ್‌ ಕಪ್‌ ಕ್ವಾಲಿಫೈಯರ್ಸ್‌ ಹಣಾಹಣಿಯಲ್ಲಿ ಭಾರತ 1–3 ಅಂತರದಿಂದ ಕ್ರೊವೇಷ್ಯಾ ತಂಡಕ್ಕೆ ಮಣಿದಿತ್ತು.
ಇನ್ನೊಂದೆಡೆ ವಿಶ್ವ ಗುಂಪಿನ ಪ್ಲೇ ಆಫ್‌ ಹಂತದ ಪಂದ್ಯದಲ್ಲಿ ಫಿನ್ಲೆಂಡ್‌ 3–2 ರಿಂದ ಮೆಕ್ಸಿಕೊ ಮೇಲೆ ಜಯ ಗಳಿಸಿತ್ತು.
ಭಾರತಕ್ಕೆ ಈಗ ಫಿನ್ಲೆಂಡ್‌ ಎದುರಾ ಳಿಯಾಗಿರುವುದು ಒಂದು ರೀತಿ ಅನುಕೂಲವೇ ಆಗಿದೆ. ಯಾಕೆಂದರೆ ಈ ದ್ವೀಪ ರಾಷ್ಟ್ರದ ತಂಡದಲ್ಲಿ ವಿಶ್ವದ ಅಗ್ರ 100ರಲ್ಲಿ ಸ್ಥಾನ ಗಳಿಸಿರುವ ಆಟಗಾರರು ಯಾರೂ ಇಲ್ಲ.
ಎಮಿಲ್‌ ರುಸುವೊರಿ 101ನೇ ಕ್ರಮಾಂಕ ಪಡೆದಿದ್ದು, ಅಲ್ಲಿನ ಅಗ್ರಮಾನ್ಯ ಆಟಗಾರ ಎನಿಸಿದ್ದಾರೆ. ಹೆನ್ರಿ ಕೊಂಟಿನೆನ್‌ ಅವರು ಡಬಲ್ಸ್‌ನಲ್ಲಿ 30ನೇ ಸ್ಥಾನದಲ್ಲಿದ್ದಾರೆ.
ಸೆಪ್ಟೆಂಬರ್‌ 18 ಅಥವಾ 19ರಂದು ಆರಂಭವಾಗುವ ಈ ಪಂದ್ಯದಲ್ಲಿ ಗೆಲ್ಲುವ ತಂಡ ಡೇವಿಸ್‌ ಕಪ್‌ ಕ್ವಾಲಿಫೈಯರ್ಸ್‌ನಲ್ಲಿ ಆಡುವ ಅರ್ಹತೆ ಪಡೆಯಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.