ಟೇಬಲ್ ಟೆನಿಸ್‌: ಮೋಹಿತ್‌, ಮಿಹಿಕಾಗೆ ಪ್ರಶಸ್ತಿ

ಧಾರವಾಡ: ಬೆಂಗಳೂರಿನ ಮೋಹಿತ್‌ ಬೆಳವಾಡಿ ಮತ್ತು ಮಿಹಿಕಾ ಉಡುಪ ಅವರು ಗುರುವಾರ ರಾಜ್ಯ ರ‍್ಯಾಂಕಿಂಗ್‌ ಟೇಬಲ್ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ 13 ವರ್ಷದೊಳಗಿನ ಬಾಲಕ ಮತ್ತು ಬಾಲಕಿಯರ ವಿಭಾಗದ ಸಿಂಗಲ್‌ನಲ್ಲಿ ಪ್ರಶಸ್ತಿ ಗೆದ್ದರು.

ಕಾಸ್ಮೋಸ್‌ ಕ್ಲಬ್‌ ಆಯೋಜಿಸಿರುವ ಟೂರ್ನಿಯ ಬಾಲಕರ ಫೈನಲ್‌ನಲ್ಲಿ ಮೋಹಿತ್‌ ಬೆಳವಾಡಿ 11–7, 11–9, 11–5ರಿಂದ ಬೆಂಗಳೂರಿನ ಅರ್ಣವ್‌ ಮಿಥುನ್‌ ಅವರನ್ನು ಮಣಿಸಿದರು. ಬಾಲಕಿಯರ ಫೈನಲ್‌ನಲ್ಲಿ ಮಿಹಿಕಾ ಉಡುಪ 14–12, 11–8, 11–5ರಿಂದ ಬೆಂಗಳೂರಿನ ಲಕ್ಷ್ಮಿ ಆಶ್ರಿತಾ ಅವರನ್ನು ಸೋಲಿಸಿದರು.