ರ‍್ಯಾಂಕಿಂಗ್‌: ಅಗ್ರ 50ರೊಳಗೆ 15ರ ಗಫ್‌
Published 25 ಫೆಬ್ರುವರಿ 2020, 9:08 IST
ಕೊಕೊ ಗಫ್‌–ಎಎಫ್‌ಪಿ ಚಿತ್ರ
ನ್ಯೂಯಾರ್ಕ್‌: ಅಮೆರಿಕದ 15ರ ಬಾಲೆ ಕೊಕೊ ಗಫ್‌ ಡಬ್ಲ್ಯುಟಿಎ ಟೆನಿಸ್‌ ರ‍್ಯಾಂಕಿಂಗ್‌ನಲ್ಲಿ ಮೊದಲ ಬಾರಿಗೆ ಅಗ್ರ 50ರೊಳಗಿನ ಸ್ಥಾನ ಪ್ರವೇಶಿಸಿದ್ದಾರೆ. ಇದರೊಂದಿಗೆ 15 ವರ್ಷಗಳ ಬಳಿಕ ಈ ರೀತಿಯ ಸಾಧನೆ ಮಾಡಿದ ಟೆನಿಸ್‌ ಪಟು ಎನಿಸಿದರು. ಸೋಮವಾರ ಪ್ರಕಟವಾದ ರ‍್ಯಾಂಕಿಂಗ್‌ನಲ್ಲಿ ಗಫ್‌ 49ನೇ ಸ್ಥಾನದಲ್ಲಿದ್ದರು.
2005ರ ಆಗಸ್ಟ್‌ನಲ್ಲಿ ಬಲ್ಗೇರಿಯಾದ ಸೆಸಿಲ್‌ ಕರಟಾಂಚೆವಾ ತಮ್ಮ 15ನೇ ವಯಸ್ಸಿನಲ್ಲಿ 50ರ ರ‍್ಯಾಂಕಿಂಗ್‌ ಗಡಿ ಪ್ರವೇಶಿಸಿದ್ದರು.
ಈ ವರ್ಷದ ಆಸ್ಟ್ರೇಲಿಯನ್‌ ಓಪನ್‌ ಟೂರ್ನಿಯಲ್ಲಿ ಮೊದಲ ಬಾರಿ ಕಣಕ್ಕಿಳಿದಿದ್ದ ಫ್ಲೊರಿಡಾ ಮೂಲದ ಆಟಗಾರ್ತಿ ಗಫ್‌, ನಾಲ್ಕನೇ ಸುತ್ತಿಗೆ ತಲುಪಿದ್ದರು. ಹೋದ ವರ್ಷದ ಜುಲೈನಲ್ಲಿ ಅಮೆರಿಕ ಓಪನ್‌ ಟೂರ್ನಿಯಲ್ಲಿ ವೀನಸ್‌ ವಿಲಿಯಮ್ಸ್‌ ಅವರನ್ನು ಮಣಿಸಿದಾಗಿನಿಂದ ಅವರು ಸುದ್ದಿಯಲ್ಲಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.