ಸ್ಪೇಡೆಕ್ಸ್‌ ಡಾಕಿಂಗ್ ಪ್ರಯೋಗ ಮುಂದಕ್ಕೆ: ಇಸ್ರೊ

ಬೆಂಗಳೂರು: ಇಸ್ರೊ ಉಡಾವಣೆ ಮಾಡಿದ್ದ ಸ್ಪೇಡೆಕ್ಸ್‌ ಉಪಗ್ರಹಗಳ ಜೋಡಣೆಯ (ಡಾಕಿಂಗ್‌) ಪ್ರಯೋಗ ಜ. 7 ಕ್ಕೆ ಮುಂದೂಡಲಾಗಿದೆ. ಈ ಹಿಂದೆ ನಿಗದಿ ಮಾಡಿದಂತೆ ಮಂಗಳವಾರ ಈ ಪ್ರಯೋಗ ನಡೆಯಬೇಕಿತ್ತು ಎಂದು ಇಸ್ರೊ ‘ಎಕ್ಸ್‌’ನಲ್ಲಿ ತಿಳಿಸಿದೆ.

ಉಪಗ್ರಹಗಳನ್ನು ಜೋಡಿಸುವ ಪ್ರಕ್ರಿಯೆಗೆ ಭೂಮಿಯ ಸಿಮ್ಯುಲೇಷನ್‌ನಿಂದ ಇನ್ನಷ್ಟು ದೃಢೀಕರಣದ ಅಗತ್ಯವಿತ್ತು. ಆದರೆ, ಈ ಪ್ರಯೋಗವನ್ನು ಸ್ಥಗಿತಗೊಳಿಸುವ ಸನ್ನಿವೇಶವನ್ನು ಸೋಮವಾರ ಗುರುತಿಸಲಾಯಿತು ಎಂದು ಇಸ್ರೊ ಹೇಳಿದೆ. ಒಂದು ವಾರದ ಹಿಂದೆ ಈ ಉಪಗ್ರಹಗಳನ್ನು ಉಡಾವಣೆ ಮಾಡಿ ಕಕ್ಷೆಗೆ ಸೇರಿಸಲಾಗಿತ್ತು.