‘ತರ್ಲೆ’ಗಳ ತಿರುಗಾಟ ಶುರು: ತರ್ಲೆ ಬಾಕ್ಸ್‌ ತಂಡದ ನವೆಂಬರ್ ಕಾರ್ಯಕ್ರಮಗಳು
Published 3 ನವೆಂಬರ್ 2022, 10:21 IST
ಕಾರ್ಯಕ್ರಮದ ಪೋಸ್ಟರ್‌
ಬೆಂಗಳೂರು: ಜನಪ್ರಿಯ ಹಾಸ್ಯ ಕಾರ್ಯಕ್ರಮಗಳ ಯುಟ್ಯೂಬ್‌ ಚಾನೆಲ್ ತಂಡ ‘ತರ್ಲೆ ಬಾಕ್ಸ್‌’ ನವೆಂಬರ್‌ನ ತಿರುಗಾಟ ಆರಂಭಿಸಿದೆ. ರಾಜ್ಯೋತ್ಸವದ ಹಿನ್ನೆಲೆಯಲ್ಲಿ ಈ ತಂಡ ಪ್ರವಾಸ ಆರಂಭಿಸಿದೆ.
ನವೆಂಬರ್ 6ರಿಂದ 27ರವರೆಗೆ ಈ ತಂಡದ ತಿರುಗಾಟ ಇರಲಿದೆ.
ಎಲ್ಲೆಲ್ಲಿ ಕಾರ್ಯಕ್ರಮಗಳು?
ನ. 6– ಚಿಕ್ಕಮಗಳೂರು, ನ. 13– ಶಿವಮೊಗ್ಗ, ನ. 20– ತುಮಕೂರು ನ. 27– ವಿಜಯಪುರ. ಈ ದಿನಗಳಲ್ಲಿ ಒಟ್ಟು 16 ಸ್ಟ್ಯಾಂಡ್‌ ಅಪ್‌ ಕಾಮಿಡಿ ಪ್ರದರ್ಶನಗಳನ್ನು ಈ ತಂಡ ಹಮ್ಮಿಕೊಂಡಿದೆ.
ಹಾಸ್ಯಕಲಾವಿದರಾದ ಸುಹಾಸ್ ನವರತ್ನ, ಶ್ರವಣ್ ಪಿ., ಗಣೇಶ್ ಕಶ್ಯಪ್, ನಿತಿನ್ ಕಾಮತ್ ಮತ್ತು ಅಶ್ವಿನಿ ರವೀಂದ್ರ ಈ ತಿಂಗಳ ಪ್ರತಿ ಭಾನುವಾರ ಒಂದೊಂದು ನಗರದಲ್ಲಿ ತಮ್ಮ ಹಾಸ್ಯ ಕಾರ್ಯಕ್ರಮಗಳನ್ನು ನಡೆಸಲಿದ್ದಾರೆ. ಟಿಕೆಟ್‌ಗಳನ್ನು ಬುಕ್‌ಮೈ ಶೋ ಡಾಟ್‌ ಕಾಂನಿಂದ ಖರೀದಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.