ಟ್ವಿಟರ್ ಲೋಡಿಂಗ್ ಸಮಸ್ಯೆ ಎದುರಿಸಿದ ಸಾವಿರಾರು ಬಳಕೆದಾರರು
ನವದೆಹಲಿ: ಪ್ರಸಿದ್ಧ ಸಾಮಾಜಿಕ ಜಾಲತಾಣ ಟ್ವಿಟ್ಟರ್ ಲೋಡಿಂಗ್ ಸಮಸ್ಯೆಯಿಂದ ಶುಕ್ರವಾರ ಸಂಜೆ ಬಳಕೆದಾರರು ಸಮಸ್ಯೆ ಎದುರಿಸಿದ್ದಾರೆ. ಸಾವಿರಾರು ಬಳಕೆದಾರರುಟ್ವಿಟ್ಟರ್ ಪ್ಲಾಟ್‌ಫಾರ್ಮ್‌ನಲ್ಲಿ ವರದಿ ಮಾಡಿದ ನಂತರ ಸಮಸ್ಯೆ ಸರಿಪಡಿಸುವತ್ತ ಹೆಜ್ಜೆ ಇಟ್ಟಿದ್ದೇವೆ ಎಂದು ಟ್ವಿಟರ್ ಸಂಸ್ಥೆ ತಿಳಿಸಿದೆ.
‘ನಿಮ್ಮಲ್ಲಿ ಕೆಲವರಿಗೆ ಟ್ವೀಟ್‌ಗಳು ಲೋಡ್ ಆಗದಿರಬಹುದು. ನಾವು ಸಮಸ್ಯೆಯನ್ನು ಬಗೆಹರಿಸುವ ಕೆಲಸ ಮಾಡುತ್ತಿದ್ದೇವೆ ಮತ್ತು ನೀವು ಶೀಘ್ರದಲ್ಲೇ ಟೈಮ್‌ಲೈನ್‌ಗೆ ಹಿಂದಿರುಗುತ್ತೀರಿ’ ಎಂದು ಕಂಪನಿ ಟ್ವೀಟ್‌ನಲ್ಲಿ ತಿಳಿಸಿದೆ.
ನಿಲುಗಡೆ ಮೇಲ್ವಿಚಾರಣೆ ವೆಬ್‌ಸೈಟ್ ಡೌನ್‌ಡೆಟೆಕ್ಟರ್.ಕಾಮ್ ಪ್ರಕಾರ, ಸುಮಾರು 40,000 ಬಳಕೆದಾರರು ಟ್ವಿಟ್ಟರ್ ಡೌನ್ ಆದ ಬಗ್ಗೆ ವರದಿ ಮಾಡಿದ್ದಾರೆ.
ಬಳಕೆದಾರರು ಸಲ್ಲಿಸಿದ ದೋಷಗಳ ಕುರಿತಾದ ವರದಿ ಒಳಗೊಂಡಂತೆ ಮೂಲಗಳ ಸರಣಿಯಿಂದ ಸ್ಥಿತಿ ವರದಿಗಳನ್ನು ಪಡೆಯುವ ಮೂಲಕ ಡೌನ್‌ಡೆಟೆಕ್ಟರ್ ವೆಬ್ ಸೈಟ್ ನಿಲುಗಡೆಗಳನ್ನು ಪತ್ತೆ ಮಾಡುತ್ತದೆ. ಟ್ವಿಟ್ಟರ್ ನಿಲುಗಡೆ ಸಮಸ್ಯೆ ಮತ್ತಷ್ಟು ಬಳಕೆದಾರರ ಮೇಲೆ ಪರಿಣಾಮ ಬೀರಿರಬಹುದು ಎಂದು ಅದು ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.