ಒಂದೇ ತಿಂಗಳಲ್ಲಿ 26.85 ಲಕ್ಷ ಖಾತೆ ನಿಷೇಧಿಸಿದ ವಾಟ್ಸ್‌ಆ್ಯಪ್‌

ನವದೆಹಲಿ (ಪಿಟಿಐ): ‘ಭಾರತದಲ್ಲಿ ಸೆಪ್ಟೆಂಬರ್‌ ತಿಂಗಳೊಂದರಲ್ಲೇ 26.85 ಲಕ್ಷ ಖಾತೆಗಳನ್ನು ನಿಷೇಧಿಸಲಾಗಿದೆ’ ಎಂದು ವಾಟ್ಸ್‌ಆ್ಯಪ್‌ ಕಂಪನಿ ಮಂಗಳವಾರ ಹೇಳಿದೆ.

‘ಆಗಸ್ಟ್‌ ತಿಂಗಳಿಗೆ (23.28 ಲಕ್ಷ) ಹೋಲಿಸಿದರೆ ಇದು ಶೇ 15ರಷ್ಟು ಅಧಿಕ’ ಎಂದೂ ಕಂಪನಿ ತಿಳಿಸಿದೆ.

‘ಸೆಪ್ಟೆಂಬರ್‌ 1 ರಿಂದ 30ರ ಅವಧಿಯಲ್ಲಿ ಬಳಕೆದಾರರಿಂದ ಯಾವುದೇ ಆಕ್ಷೇಪ ವ್ಯಕ್ತವಾಗುವ ಮುನ್ನವೇ 8.72 ಲಕ್ಷ ಖಾತೆಗಳನ್ನು ನಿರ್ಬಂಧಿಸಲಾಗಿದೆ’ ಎಂದು ಬಳಕೆದಾರರ ಸುರಕ್ಷತಾ ವರದಿಯಲ್ಲಿ ಕಂಪನಿ ಮಾಹಿತಿ ನೀಡಿದೆ.