ಪ್ರತಿಕ್ರಿಯೆ

ಕೌಶಲಗಳ ಮಾಹಿತಿ
ಪ್ರಜಾವಾಣಿಯ `ಭೂಮಿಕಾ~ದ ಕ್ಷೇಮ- ಕುಶಲ ವಿಭಾಗದಲ್ಲಿ ಬರುತ್ತಿರುವ ಆರೋಗ್ಯಕ್ಕೆ ಸಂಬಂಧಿಸಿದ ಲೇಖನಗಳು ಓದುಗರಿಗೆ ಅಪಾರವಾದ ಆರೋಗ್ಯ ಜ್ಞಾನವನ್ನು ನೀಡುತ್ತಿವೆ. ಇಂತಹ ಇನ್ನೂ ಹಲವಾರು ಒಳ್ಳೆಯ ಲೇಖನಗಳನ್ನು ಕನ್ನಡಿಗರಾದ ನಾವು ಎದುರು ನೋಡುತ್ತಿದ್ದೇವೆ. ಆರೋಗ್ಯ ಕಾಯ್ದುಕೊಳ್ಳುವ ಕೌಶಲಗಳ ಬಗ್ಗೆ ಹೆಚ್ಚಿನ ಮಾಹಿತಿ ನೀಡುತ್ತಿರುವ ಪತ್ರಿಕೆ ಮತ್ತು ಲೇಖಕರಿಗೆ ಧನ್ಯವಾದ.
ರಾಜೇಶ್ ಎಂ.ಬಿ
ಮಳವಳ್ಳಿ

ರೂಢಿಯಲ್ಲಿ ತಂದೇಬಿಟ್ಟೆವು
ಆಗಸ್ಟ್ 4ರಂದು ಪ್ರಕಟವಾದ `ಇಗೊಳ್ಳಿ ಬೆಳ್ಳುಳ್ಳಿ: ಮಹತ್ವ ಅರಿತುಕೊಳ್ಳಿ~ ಬರಹ ಓದುತ್ತಿದ್ದಂತೆಯೇ ನಾವು ಅರಿತುಕೊಂಡು ಅದನ್ನು ರೂಢಿಯಲ್ಲಿ ತಂದೇಬಿಟ್ಟೆವು. ಬೆಳ್ಳುಳ್ಳಿ ಎಂದರೆ ಸಾಂಪ್ರದಾಯಿಕವಾಗಿ ಬಂದಂತಹ, ಅಡುಗೆಗೆ ರುಚಿ ಕೊಡಲು ಹಾಕುವ ಒಂದು ಪದಾರ್ಥ ಮಾತ್ರ ಎಂದುಕೊಂಡಿದ್ದ ನಮಗೆ, ಇದರ ಮಹತ್ವದ ಮನವರಿಕೆ ಮಾಡಿಕೊಟ್ಟಿದ್ದಕ್ಕಾಗಿ ವಂದನೆ.
ಮಹಾಂತೇಶ ಸವದಿ
ಅಥಣಿ (ಬಳವಾಡ)