ಕಚ್ಚುವೆ ಏಕೆ ಸೊಳ್ಳೆಪ್ಪಾ...

ಡಾ.ಕರವೀರಪ್ರಭು ಕ್ಯಾಲಕೊಂಡ

Published 4 ಫೆಬ್ರುವರಿ 2017, 19:30 IST

ಸಂಜೆಯ ಸಮಯದಿ
ಸೊಯ್‌ ಸೊಯ್‌ ಸಪ್ಪಳ
ಮಾಡುತ ಬೆರುವೆ ಯಾಕಪ್ಪಾ
ಓದುತ ಕುಳಿತ
ಮಕ್ಕಳ ಪಕ್ಕನೆ
ಕಚ್ಚುವೆ ಏಕೆ ಸೊಳ್ಳೆಪ್ಪಾ...

ನಿಂತ ನೀರಲಿ
ಮರಿಗಳ ಮಾಡುವ
ಗುಟ್ಟನು ಬಿಡಿಸಿ ಹೇಳಪ್ಪಾ
ಜುಳು ಜುಳು ಹರಿಯುವ
ಸ್ವಚ್ಛನ ನೀರನು
ಕಂಡರೆ ಭಯವು ಯಾಕಪ್ಪಾ

ಗಡಗಡ ಗಡಗಡ
ನಡುಗುವ ಜಡ್ಡನು
ನೀಡುವೆ ಕಚ್ಚಿ ನಮಗಪ್ಪಾ
ಕಹಿ ಕಹಿ ಗುಳಿಗೆಯ
ನುಂಗಲು ನಮ್ಮನು
ಬಿಡುವುದು ಜಡ್ಡು ನೋಡಪ್ಪಾ

ಗುರುಗುರು ನಿದ್ದೆಯ
ಮಾಡಲು ಜನರಿಗೆ
ಸೊಳ್ಳೆಯ ಪರದೆ ಬೇಕಪ್ಪಾ
ಸೊಳ್ಳೆಯ ಪರದೆಯ
ಒಳಗಡೆ ನುಗ್ಗಲು
ಆಗದು ನಿನಗೆ ಯಾಕಪ್ಪಾ

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ಇದನ್ನೂ ಓದಿ