ಬಿಎಂಡಬ್ಲ್ಯು ಎಕ್ಸ್‌3 ಹೊಸ ಆವೃತ್ತಿ ಬಿಡುಗಡೆ
ನವದೆಹಲಿ: ಐಷಾರಾಮಿ ಕಾರು ತಯಾರಿಸುವ ಜರ್ಮನಿಯ ಬಿಎಂಡಬ್ಲ್ಯು ಸಂಸ್ಥೆಯು ಹೊಸ ಆವೃತ್ತಿಯ ‘ಎಕ್ಸ್‌3’ ಎಸ್‌ಯುವಿ ಬಿಡುಗಡೆ ಮಾಡಿದೆ. ಇದರ ಎಕ್ಸ್‌ ಷೋರೂಂ ಬೆಲೆ ₹ 49.99 ಲಕ್ಷದಿಂದ ₹ 56.7 ಲಕ್ಷದವರೆಗಿದೆ.
‘ಆನ್‌ ರೋಡ್‌ ಮತ್ತು ಆಫ್‌ ರೋಡ್‌ಗಳಲ್ಲಿಯೂ ಚಲಾಯಿಸಬಹುದಾದ, ಚಾಲಕನ ಬೇಡಿಕೆಗಳಿಗೆ ಅನುಗುಣವಾಗಿ ಸಿದ್ಧಗೊಂಡಿದೆ’ ಎಂದು ಬಿಎಂಡಬ್ಲ್ಯು ಗ್ರೂಪ್‌ನ ಇಂಡಿಯಾದ ಅಧ್ಯಕ್ಷ ವಿಕ್ರಂ ಪವ್ಹಾ ತಿಳಿಸಿದ್ದಾರೆ.
ಎರಡು ಲೀಟರ್‌ನ ನಾಲ್ಕು ಸಿಲಿಂಡರ್ ಇರುವ ಡೀಸೆಲ್‌ ಎಂಜಿನ್‌ ಇದ್ದು, 8 ಸ್ಪೀಡ್‌ ಆಟೊಮೆಟಿಕ್‌ ಟ್ರಾನ್ಸ್‌ಮಿಷನ್‌ ಹೊಂದಿದೆ. 6 ಏರ್‌ ಬ್ಯಾಗ್‌, ಡಿಎಸ್‌ಸಿ, ಎಲೆಕ್ಟ್ರಿಕ್ ಪಾರ್ಕಿಂಗ್‌ ಬ್ರೆಕ್‌, ಎಲೆಕ್ಟ್ರಿಕ್ ವೆಹಿಕಲ್‌ ಇಮ್ಮೊಬಿಲೈಸರ್‌, ಕ್ರ್ಯಾಷ್ ಸೆನ್ಸರ್‌ ಇತ್ಯಾದಿ ಸೌಲಭ್ಯಗಳನ್ನು ಹೊಂದಿದೆ.
ಪೆಟ್ರೋಲ್‌ ಮಾದರಿಯ ಬಿಡುಗಡೆಯು ತುಸು ವಿಳಂಬವಾಗಲಿದೆ, ಆದರೆ ಈ ವರ್ಷವೇ ಲಭ್ಯವಾಗಲಿದೆ ಎಂದು ಸಂಸ್ಥೆ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.