ಅವ್ಯವಸ್ಥೆಯ ಆಗರ ಈ ಪರಿವೀಕ್ಷಣಾ ಮಂದಿರ

ವಿಜಯಪುರ: ಪಟ್ಟಣದ ಪ್ರವಾಸಿ ಮಂದಿರವನ್ನು ಸೂಕ್ತವಾಗಿ ನಿರ್ವಹಿ­ಸಲು ಲೋಕೋಪಯೋಗಿ ಇಲಾಖೆ ಅಧಿ­ಕಾರಿಗಳು ವಿಫಲರಾಗಿದ್ದಾರೆ ಎಂದು ಮಾಜಿ ಶಾಸಕ ಜಿ.ಚಂದ್ರಣ್ಣ ದೂರಿದ್ದಾರೆ.

ಪರಿವೀಕ್ಷಣಾ ಮಂದಿರದಲ್ಲಿ ಕೂರಲು ಸರಿಯಾದ ಆಸನ ವ್ಯವಸ್ಥೆ ಇಲ್ಲ. ಗೋಡೆಗಳೆಲ್ಲಾ ಹಾಳಾಗಿ ಬಣ್ಣ ಕಳೆದುಕೊಂಡಿವೆ, ಸೊಳ್ಳೆ, ತಿಗಣೆಗಳ ಆವಾಸ ಸ್ಥಾನವಾಗಿದೆ. ಉದ್ಯಾನ ನೀರು ಕಾಣದೆ ಒಣಗಿದೆ ಎಂದರು.

ಹೊರಗಿನ ಅತಿಥಿಗಳು ಬಂದರೆ ಪರಿ­ವೀಕ್ಷಣಾ ಮಂದಿರಕ್ಕೆ ಕರೆದು­ಕೊಂಡು ಬರಲು ಬೇಸರವಾಗುತ್ತದೆ. ತಾವು ಶಾಸ­ಕರಿದ್ದಾಗ ಹೆಚ್ಚುವರಿ ಕೊಠ­ಡಿ­ಗ­ಳನ್ನು ನಿರ್ಮಿಸಿ ಬರುವ ಅತಿಥಿಗಳಿಗೆ ವ್ಯವ­ಸ್ಥಿತವಾದ ಆಸನಗಳ ವ್ಯವಸ್ಥೆ­ಮಾಡ­ಲಾಗಿತ್ತು. ಈಗ ಅತಿಥಿ­ಗಳು ಬಂದರೆ ಕಿತ್ತು ಹೋದ ಆಸನಗಳ ಮೇಲೆ ಕೂರಿಸಬೇಕಾದ ಪರಿಸ್ಥಿತಿಯಿದೆ ಎಂದರು. ಆದಷ್ಟು ಶೀಘ್ರವಾಗಿ ಇಲ್ಲಿನ ಅವ್ಯ­ವಸ್ಥೆ ಸರಿಪಡಿಸದಿದ್ದಲ್ಲಿ ಲೋಕೋ­­ಪಯೋಗಿ ಇಲಾಖೆ ಕಛೇರಿ ಮುಂದೆ ಪ್ರತಿಭಟನೆ ನಡೆಸಲಾಗುವುದು.