ಸುಲೇಪೇಟ: 49.4 ಮಿ.ಮೀ ಮಳೆ

ಚಿಂಚೋಳಿ: ತಾಲ್ಲೂಕಿನ ಸುಲೇಪೇಟದಲ್ಲಿ ಸೋಮವಾರ ಭಾರಿ ಮಳೆ ಸುರಿದಿದೆ. ಸುಲೇಪೇಟ 49.4 ಮಿ.ಮೀ ಹಾಗೂ ನಿಡಗುಂದಾ 53.4, ಕುಂಚಾವರಂ 6.4, ಕೋಡ್ಲಿ 6 ಮಿ.ಮೀ ಮಳೆ ಮಾಪನ ಕೇಂದ್ರದಲ್ಲಿ ದಾಖಲಾಗಿದೆ ಎಂದು ತಹಶೀಲ್ದಾರ್‌ ಅರುಣಕುಮಾರ ಕುಲಕರ್ಣಿ ತಿಳಿಸಿದ್ದಾರೆ.

ಮಳೆಯಿಂದಾಗಿ ಉದ್ದು ಹಾಗೂ ಹೆಸರು ರಾಶಿಗೆ ಅಡಚಣೆಯಾಗಿದೆ. ಮಂಗಳವಾರ ಚದುರಿದಂತೆ ಮಳೆಯಾಗಿದೆ. ಇದರಿಂದ ರಾಶಿ ಮಾಡಲು ರಸ್ತೆ ಮೇಲೆ ಹಾಕಿದ್ದು ಉದ್ದು, ಹೆಸರಿನ ಕಾಡು ತಾಡಪತ್ರಿಯಿಂದ ಮುಚ್ಚಿಟ್ಟಿರುವುದು ಕುಡಳ್ಳಿಯಿಂದ ಚಿಂಚೋಳಿವರೆಗೆ ಅಲ್ಲಲ್ಲಿ ರಸ್ತೆ ಬದಿಯಲ್ಲಿ ಕಾಣಬಹುದಾಗಿದೆ.

ಚಂದನಕೇರಾ 18 ಮಿ.ಮೀ, ಹಲಚೇರಾ 17.5, ಮೋಘಾ 41.5, ಪಸ್ತಪುರ 34, ರುಮ್ಮನಗೂಡ 41.5, ಗಡಿಕೇಶ್ವಾರ 22, ಹೊಡೇಬೀರನಹಳ್ಳಿ 43, ಕರ್ಚಖೇಡ್‌ 100, ಕೆರೋಳ್ಳಿ 16, ಶಿರೋಳ್ಳಿಯಲ್ಲಿ 21.5 ಮಿ.ಮೀ ಮಳೆ ದಾಖಲಾಗಿದೆ ಎಂದು ವಿವರಿಸಿದ್ದಾರೆ.

ಕಳವಳ: ಮಳೆಯಿಂದ ಕೈಗೆ ಬಂದ ತುತ್ತು ಬಾಯಿಗೆ ಬಾರದಂತಾಗಿದೆ. ಅರೆಬರೆ ಮಳೆಯಿಂದ ಕೈಗೆ ಬಂದ ಬೆಳೆಯನ್ನು ನಿರಂತರ ಸುರಿಯುತ್ತಿರುವ ಮಳೆ ಆಹುತಿ ಪಡೆಯುತ್ತಿದೆ ಎಂದು ರೈತರು ಕಳವಳ ವ್ಯಕ್ತಪಡಿಸಿದ್ದಾರೆ.