ಕ್ಷುಲ್ಲಕ ಕಾರಣ; ಮದುವೆಯಲ್ಲಿ ಗಲಾಟೆ

ಮದುವೆ ನಂತರ ಸಂಜೆ ವಧುವನ್ನು ತಡೆದು, ಕುಣಿಯಲು ಕೆಲವರು ಮುಂದಾಗಿದ್ದು ಘಟನೆಗೆ ಕಾರಣವಾಗಿದೆ.  ಕೆಲ ಯುವಕರು ಪಾನಮತ್ತರಾಗಿ ದ್ದರು ಎನ್ನಲಾಗಿದೆ. ಕುರ್ಚಿಯಲ್ಲಿ ಬಡಿದಾಡಿದ್ದು, ಕೆಲವರ ಮುಖದಲ್ಲಿ ರಕ್ತ ಹರಿದಿದೆ. ಕೊಡವ ಸಮಾಜ ಆವರಣ ಗೊಂದಲಮಯವಾಗಿದೆ.
 

ಗಲಾಟೆ ತಡೆಯಲು ಹೋದ ಮಹಿಳೆಯರ ಮೇಲೂ ಹಲ್ಲೆ ನಡೆದಿದೆ. ರಸ್ತೆಯಲ್ಲಿ ನಿಂತವರಿಗೂ ಪಾನಮತ್ತ ಯುವಕರು ಹಲ್ಲೆ ಮಾಡಿದ್ದಾರೆ ಎಂದು ಹೇಳಲಾಗಿದೆ.

 

ಮಡಿಕೇರಿ ತಾಲ್ಲೂಕಿನ ಗಾಳಿಬೀಡು ಕೆ.ಬಾಡಗ ಗ್ರಾಮದ ವಧು ಹಾಗೂ ಸೋಮವಾರಪೇಟೆ ತಾಲ್ಲೂಕಿನ ಗರ್ವಾಲೆ ಸಮೀಪದ ಮಂಕ್ಯಾ ಗ್ರಾಮದ ವರನ ಮದುವೆ ನಡೆದಿತ್ತು.

 

ಸುನಂದಾ, ಎಂ.ಪಿ.ನಾಣಿಯಪ್ಪ, ಟಿ.ಜೆ.ಪ್ರಸನ್ನ, ಕುಶಾಲಪ್ಪ, ಸುಬ್ಬಯ್ಯ ಗಾಯಗೊಂಡಿದ್ದು, ಇಲ್ಲಿನ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಪ್ರವೀಣ್, ಭವಿಷ್, ಮಾದಪ್ಪ ಹಲ್ಲೆ ಮಾಡಿದರೂ ಎಂದು ಆರೋಪಿಸಲಾ ಗಿದ್ದು, ಕೆಲವರನ್ನು ವಶಕ್ಕೆ ಪಡೆದಿರುವ ಪಟ್ಟಣ ಠಾಣೆಯ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

 

ಪೊಲೀಸರು ಸ್ಥಳಕ್ಕೆ ಆಗಮಿಸಿದಾಗ ಹಲ್ಲೆಕೋರರು ಪರಾರಿಗೆ ಯತ್ನಿಸಿದ್ದು, ಸಾರ್ವಜನಿಕರೇ ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಪ್ರಕರಣ ದಾಖಲಾಗಿದೆ.