ಮಸ್ಕಿ ಜಲಾಶಯ: ನೀರು ಹೆಚ್ಚಳ

ಮಸ್ಕಿ: ಪಟ್ಟಣದ ಕುರುಬರ ಓಣಿಯಲ್ಲಿ ಶನಿವಾರ ರಾತ್ರಿ ಮಳೆಗೆ ಎರಡು ಮನೆಗಳು ಬಿದ್ದಿವೆ. ಮುದಿರಾಯಪ್ಪ ಹಾಗೂ ಕುಪ್ಪಣ್ಣ ಅವರ ಮನೆಗಳು ಸಂಪೂರ್ಣ ಬಿದ್ದಿವೆ. ಪಟ್ಟಣದಲ್ಲಿ 30 ಮಿ.ಮೀ. ಮಳೆಯಾಗಿದೆ. ಮಳೆಯಿಂದ ಹಾನಿಗೊಳಗಾದ ಪ್ರದೇಶಗಳಲ್ಲಿ ಭಾನುವಾರ ಭೇಟಿ ನೀಡಿದ ಶಾಸಕ ಪ್ರತಾಪಗೌಡ ಪಾಟೀಲ ಪರಿಶೀಲನೆ ನಡೆಸಿದರು.

ಮಸ್ಕಿ ಜಲಾಶಯ ಭರ್ತಿಗೆ ಕ್ಷಣಗಣನೆ: 0.5 ಟಿಎಂಸಿ ಸಾಮರ್ಥ್ಯದ ಮಸ್ಕಿ ಜಲಾಶಯ ಭರ್ತಿಗೆ ಕ್ಷಣಗಣನೆ ಆರಂಭವಾಗಿದೆ. ಭಾನುವಾರ ಬೆಳಿಗ್ಗೆ ಜಲಾಶಯದಲ್ಲಿ 23 ಅಡಿ ನೀರು ಇದ್ದು, 6 ಅಡಿ ಬಾಕಿ ಇದೆ.  ನೀರಿನ ಒಳ ಹರಿವು ಹೆಚ್ಚಿದ್ದು, ಯಾವುದೇ ಕ್ಷಣದಲ್ಲಿ ಜಲಾಶಯ ಭರ್ತಿಯಾದರೆ ನೀರು ಹೊರಬಿಡಲಾಗುವುದು ಎಂದು ಎಂಜಿನಿಯರ್‌ ದಾವುದ್ ತಿಳಿಸಿದ್ದಾರೆ.