ಅಗ್ನಿ ದುರಂತ: ನಾಲ್ವರು ಕಾರ್ಮಿಕರಿಗೆ ಗಾಯ

ಹೈದ್ರಾಬಾದ್‌: ಇಲ್ಲಿನ ಔಷಧ ಘಟಕದಲ್ಲಿ ಶುಕ್ರವಾರ ಸಂಭವಿಸಿದ ಅಗ್ನಿ ದುರಂತದಲ್ಲಿ ನಾಲ್ವರು ಕಾರ್ಮಿಕರು ಗಾಯಗೊಂಡಿದ್ದಾರೆ.

ಜಿಡಿಮೆತ್ಲಾ ಪ್ರದೇಶದಲ್ಲಿರುವ ಔಷಧ ಘಟಕದಲ್ಲಿ ಬೆಳಿಗ್ಗೆ 6.30ರ ಹೊತ್ತಿಗೆ ಈ ಘಟನೆ ನಡೆದಿದೆ.

ಘಟಕದಲ್ಲಿ ದಟ್ಟ ಜ್ವಾಲೆ ಕಾಣಿಸಿದ್ದು, ಕಟ್ಟಡದ ತುಂಬ ಕಪ್ಪು ಹೊಗೆ ಆವರಿಸಿತ್ತು. ಆರು ಅಗ್ನಿಶಾಮಕ ಎಂಜಿನ್‌ಗಳನ್ನು ಕರೆಸಿ, ಬೆಂಕಿ ನಿಯಂತ್ರಿಸಲಾಯಿತು ಎಂದರು.

ಕಟ್ಟಡದಲ್ಲಿ ಸಿಲುಕಿಕೊಂಡಿರುವವರನ್ನು ಪತ್ತೆ ಹಚ್ಚಲು ಕಾರ್ಯಾಚರಣೆ ನಡೆಯುತ್ತಿದ್ದು, ಅಗ್ನಿ ದುರಂತಕ್ಕೆ ಕಾರಣ ಇನ್ನೂ ತಿಳಿದು ಬಂದಿಲ್ಲ ಎಂದು ಅವರು ಹೇಳಿದರು.