ವಿಶ್ವಾಸ ಮತ ಸಾಬೀತುಪಡಿಸಿದ ನಾಗಾಲ್ಯಾಂಡ್‌ ಮುಖ್ಯಮಂತ್ರಿ

ಕೊಹಿಮ: ನಾಗಾಲ್ಯಾಂಡ್‌ನ  ನೂತನ ಮುಖ್ಯಮಂತ್ರಿ ಟಿ.ಆರ್‌. ಜೆಲಿಯಾಂಗ್‌ ಅವರು ಶುಕ್ರವಾರ ವಿಧಾನಸಭೆಯಲ್ಲಿ ವಿಶ್ವಾಸ ಮತ ಸಾಬೀತು ಪಡಿಸಿದರು.

ರಾಜ್ಯಪಾಲ ಪಿ.ಬಿ. ಆಚಾರ್ಯ ಅವರು  ಶುಕ್ರವಾರದ  ಒಳಗಾಗಿ ವಿಶ್ವಾಸ ಮತ ಸಾಬೀತು ಪಡಿಸುವಂತೆ  ಸೂಚಿಸಿದ್ದರು.

ಮುಖ್ಯಮಂತ್ರಿ ಟಿ.ಆರ್‌. ಜೆಲಿಯಾಂಗ್‌ ಪರವಾಗಿ 47 ಶಾಸಕರು ಮತ ಚಲಾಯಿಸಿದರು. ಇದರಿಂದ ನಾಗಾಲ್ಯಾಂಡ್‌ ಪೀಪಲ್ಸ್‌ ಫ್ರಂಟ್‌ನಲ್ಲಿನ (ಎನ್‌ಪಿಎಫ್‌) ನಾಯಕತ್ವ ಬಿಕ್ಕಟ್ಟು ಅಂತ್ಯ ಕಂಡಂತಾಗಿದೆ.