ಗಡಿ ಸಹಕಾರ: ಭಾರತ–ಚೀನಾ ಮಾತುಕತೆ

ಬೀಜಿಂಗ್: ಡೋಕಲಾ ಬಿಕ್ಕಟ್ಟಿನ ಬಳಿಕ ಇದೇ ಮೊದಲ ಬಾರಿಗೆ ಭಾರತ ಮತ್ತು ಚೀನಾ ಶುಕ್ರವಾರ ಸಭೆ ಸೇರಿ ಗಡಿ ನಿರ್ವಹಣೆ ಹಾಗೂ ಸಹಕಾರ ಪ್ರಕ್ರಿಯೆ ಕುರಿತು ಚರ್ಚೆ ನಡೆಸಿದವು. ಎಲ್ಲಾ ಗಡಿ ವಿಭಾಗಗಳಲ್ಲಿನ ಪರಿಸ್ಥಿತಿ ಕುರಿತು ಸಹ ಇದೇ ವೇಳೆ ಪರಿಶೀಲನೆ ನಡೆಸಲಾಯಿತು.

ಭಾರತ–ಚೀನಾ ಗಡಿ ವ್ಯವಹಾರಗಳ (ಡಬ್ಲ್ಯುಎಂಸಿಸಿ) ಚರ್ಚೆ ಹಾಗೂ ಸಹಕಾರ ಕುರಿತ 10ನೇ ಸುತ್ತಿನ ಮಾತುಕತೆ ಬೀಜಿಂಗ್‌ನಲ್ಲಿ ನಡೆಯಿತು. ಈ ಮಾತುಕತೆ ಗುಣಾತ್ಮಕವಾಗಿತ್ತು ಎಂದು ಎಂದು ಭಾರತೀಯ ರಾಯಭಾರ ಕಚೇರಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಭಾರತ–ಚೀನಾ ಗಡಿ ಪ್ರದೇಶಗಳಲ್ಲಿ ಶಾಂತಿ ಕಾಪಾಡಿಕೊಳ್ಳುವ ಉದ್ದೇಶದಿಂದ 2012ರಲ್ಲಿ ಡಬ್ಲ್ಯುಎಂಸಿಸಿ ಸ್ಥಾಪಿಸಲಾಯಿತು.