ಗುಂಡಿನ ದಾಳಿಯಲ್ಲ, ಸ್ಫೋಟದ ಸದ್ದು ಎಂದ ಪೊಲೀಸರು

ಲಾಸ್‌ ಏಂಜಲೀಸ್‌: ‘ಲಾಸ್‌ ಏಂಜಲೀಸ್‌ ವಿಮಾನ ನಿಲ್ದಾಣದಲ್ಲಿ ಗುಂಡಿನ ದಾಳಿ ನಡೆದಿಲ್ಲ. ಭಾರಿ ಸ್ಫೋಟದ ಸದ್ದು ಕೇಳಿಬಂದಿದೆ’ ಎಂದು ಪೊಲೀಸರು ಹೇಳಿದ್ದಾರೆ.

‘ಸ್ಫೋಟದ ಸದ್ದು ಕೇಳಿದ್ದರಿಂದ ಮುನ್ನೆಚ್ಚರಿಕೆ ಕ್ರಮವಾಗಿ ಪ್ರಯಾಣಿಕರನ್ನು ಟರ್ಮಿನಲ್‌ನಿಂದ ಹೊರಕ್ಕೆ ಕಳಿಸಲಾಗಿತ್ತು’ ಎಂದು ಪೊಲೀಸರು ತಿಳಿಸಿದ್ದಾರೆ.

‘ಗುಂಡಿನ ದಾಳಿಯಲ್ಲ ಅದು ದೊಡ್ಡ ಸದ್ದು ಮಾತ್ರ. ಘಟನೆಯಲ್ಲಿ ಯಾರೂ ಗಾಯಗೊಂಡಿಲ್ಲ. ಘಟನೆ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ’ ಎಂದು ಲಾಸ್ ಏಂಜಲೀಸ್‌ ಪೊಲೀಸ್‌ ಇಲಾಖೆಯ ಮಾಧ್ಯಮ ವಿಭಾಗದ ಹಿರಿಯ ಅಧಿಕಾರಿ ಆ್ಯಂಡಿ ನೇಮನ್‌ ಟ್ವೀಟ್‌ ಮಾಡಿದ್ದಾರೆ.