ನೇಪಾಳ: ನ.26ರಂದು ಸಂಸತ್‌ ಚುನಾವಣೆ

ಕಠ್ಮಂಡು: ನೇಪಾಳದ ಸಂಸತ್‌ ಮತ್ತು ಪ್ರಾಂತ್ಯಗಳಿಗೆ ನವೆಂಬರ್‌ 26ರಂದು ಚುನಾವಣೆ ನಡೆಯಲಿದೆ ಎಂದು ಸರ್ಕಾರ ಸೋಮವಾರ ಪ್ರಕಟಿಸಿದೆ. ಸಚಿವ ಸಂಪುಟ ಸಭೆಯಲ್ಲಿ ಚುನಾವಣೆ ನಡೆಸುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಚುನಾವಣಾ ಆಯೋಗದೊಂದಿಗೆ ಮಾತುಕತೆ ನಡೆಸಿದ ನಂತರ ಚುನಾವಣೆ ನಡೆಸುವ ನಿರ್ಧಾರಕ್ಕೆ ಬರಲಾಯಿತು. ಆಯೋಗವು ವಿವರವಾದ ವೇಳಾಪಟ್ಟಿ ಪ್ರಕಟಿಸಲಿದೆ ಎಂದು ವಾರ್ತಾ ಸಚಿವ ಮೋಹನ್‌ ಬಹದೂರ್‌ ಹೇಳಿದ್ದಾರೆ.

ನೇಪಾಳ ಸಂಸತ್‌ ಒಟ್ಟು 275 ಸದಸ್ಯ ಬಲವನ್ನು ಹೊಂದಿದ್ದು, 165 ಮಂದಿಯನ್ನು ಚುನಾವಣೆ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಉಳಿದ 110 ಮಂದಿಯನ್ನು ನಾಮನಿರ್ದೇಶನ ಮಾಡಲಾಗುತ್ತದೆ.