–ಮಾನಸಾ ಹೆಗಡೆ
*
ಪೇರಲೆ ಮರದಿ
ಹೊಳೆವ ಹಣ್ಣ
ಪುಟ್ಟ-ಪುಟ್ಟಿ ಕಂಡರು|
ತನಗೆ ಹಣ್ಣು
ಬೇಕೇ ಬೇಕು
ಎನುತ ಪುಟ್ಟಿ ಅತ್ತಳು
ಹೇಗೋ ಏನೋ
ನಮ್ಮ ಪುಟ್ಟ
ಮರವ ಹತ್ತಿ ನಿಂತನು
ಅಂತೂ ಇಂತೂ
ಚಂದದ ಹಣ್ಣ
ಕೈಲಿ ಹಿಡಿದು ಬಿಟ್ಟನು|
ಉದ್ದ ಲಂಗವ
ಮಡಿಲು ಮಾಡಿ
ಪುಟ್ಟಿ ಕೆಳಗೆ ನಿಂತಳು
ಪುಟ್ಟನೆಸೆದ
ಹಣ್ಣ ಹಿಡಿದು
ಖುಷಿಯು ಆಗಿ ಕುಣಿದಳು|
ಮೇಲೆ ಇದ್ದ
ಹಣ್ಣು ಕೈಗೆ
ಬಂದ ಖುಷಿಯು ಪುಟ್ಟಿಗೆ
ಎಸೆದ ಹಣ್ಣು
ಗಾಯವಿರದೇ
ನಗುವ ಬೆರಗು ಪುಟ್ಟಗೆ|
ಕೂಡಿ ಕೊಯ್ದ
ಹಂಚಿ ತಿಂದ
ಹಣ್ಣು ರುಚಿ ಎನಿಸಿತು
ಅಳುವ ಪುಟ್ಟಿ
ಮುಖದ ತುಂಬ
ಖುಷಿಯ ನಗೆ ಮೂಡಿತು|
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.