ಟಿಎನ್‌ಸಿಎ ಅಧ್ಯಕ್ಷರಾಗಿ ಶ್ರೀನಿವಾಸನ್‌ ಪುನರಾಯ್ಕೆ

ಚೆನ್ನೈ (ಪಿಟಿಐ): ಎನ್‌. ಶ್ರೀನಿವಾ ಸನ್‌ ಅವರು ಭಾನುವಾರ ತಮಿಳುನಾಡು ಕ್ರಿಕೆಟ್‌ ಸಂಸ್ಥೆಯ (ಟಿಎನ್‌ಸಿಎ) ಅಧ್ಯಕ್ಷರಾಗಿ ಮತ್ತೊಂದು ಅವಧಿಗೆ ಆಯ್ಕೆಯಾಗಿದ್ದಾರೆ. ಭಾನುವಾರ ನಡೆದ ವಾರ್ಷಿಕ ವಿಶೇಷ ಸಭೆಯಲ್ಲಿ  ಅವರನ್ನು  ಅವಿರೋಧವಾಗಿ ಆಯ್ಕೆ ಮಾಡಲಾಯಿತು.

ಕಾಶಿ ವಿಶ್ವನಾಥ್‌ ಅವರನ್ನು ಕಾರ್ಯದರ್ಶಿಯಾಗಿ ಅವಿರೋಧವಾಗಿ ಆಯ್ಕೆ ಮಾಡಲಾಯಿತು. ಆರ್‌.ಐ ಪಳನಿ ಅವರು ಜಂಟಿ ಕಾರ್ಯದರ್ಶಿಯಾಗಿದ್ದು, ಎಸ್‌. ಮಾರ್ಟಿನ್‌ ರಾಜ್‌ ಮತ್ತು ವಿ.ಪಿ. ನರಸಿಂಹನ್‌ ಅವರು ಕ್ರಮವಾಗಿ ಸಹಾಯಕ ಕಾರ್ಯದರ್ಶಿ ಮತ್ತು ಖಜಾಂಚಿಯಾಗಿದ್ದಾರೆ. ಶ್ರೀನಿವಾಸನ್‌ ಈ ಹಿಂದೆ ಬಿಸಿಸಿಐ ಅಧ್ಯಕ್ಷರಾಗಿದ್ದರು.