ಆಲ್ಟೊ: 40 ಲಕ್ಷಕ್ಕೂ ಅಧಿಕ ಕಾರುಗಳ ಮಾರಾಟ

ನವದೆಹಲಿ: ಸಣ್ಣ ಕಾರು ಆಲ್ಟೊ ಮಾರಾಟವು 40 ಲಕ್ಷದ ಮೈಲುಗಲ್ಲನ್ನು ದಾಟಿದೆ ಎಂದು ಮಾರುತಿ ಸುಜುಕಿ ಇಂಡಿಯಾ ಕಂಪನಿ ಗುರುವಾರ ತಿಳಿಸಿದೆ.

2000ನೇ ಇಸವಿಯ ಸೆಪ್ಟೆಂಬರ್‌ನಲ್ಲಿ ಇದನ್ನು ಮೊದಲಿಗೆ ಬಿಡುಗಡೆ ಮಾಡಲಾಗಿತ್ತು. ಸತತ 16 ವರ್ಷಗಳವರೆಗೆ ದೇಶದಲ್ಲಿ ಅತಿ ಹೆಚ್ಚು ಮಾರಾಟ ಕಂಡ ಕಾರು ಇದಾಗಿದೆ. ಭಾರತದಲ್ಲಿ ಶೇಕಡ 76ರಷ್ಟು ಜನರು ಆಲ್ಟೊವನ್ನು ತಮ್ಮ ಮೊದಲ ಕಾರ್‌ ಆಗಿ ಖರೀದಿಸಿದ್ದಾರೆ ಎಂದು ಕಂಪನಿ ತಿಳಿಸಿದೆ.

ದೇಶದ ಬೇರೆ ಯಾವುದೇ ಕಾರು ಮಾರಾಟದಲ್ಲಿ ಈ ಮೈಲುಗಲ್ಲು ಸಾಧಿಸಲಾಗಿಲ್ಲ ಎಂದು ಕಂಪನಿಯ ಕಾರ್ಯನಿರ್ವಾಹಕ ನಿರ್ದೇಶಕ ಶಶಾಂಕ್‌ ಶ್ರೀವಾಸ್ತವ ಹೇಳಿದ್ದಾರೆ. ಈ ಮಾದರಿಯು ಸದ್ಯ, ₹ 2.95 ಲಕ್ಷದಿಂದ ₹ 4.36 ಲಕ್ಷದ ಬೆಲೆಯಲ್ಲಿ (ಎಕ್ಸ್‌ ಷೋರೂಂ) ಲಭ್ಯವಿದೆ.