ದೈವಗಳ ಅಧ್ಯಯನ ಗ್ರಂಥ ಬಿಡುಗಡೆ

ಮಂಗಳೂರು: ಬೆಂಗಳೂರಿನ ಬ್ಯಾಟರಾಯನಪುರದ ಸರ್ಕಾರಿ ಕಾಲೇಜಿನ ಕನ್ನಡ ಪ್ರಾಧ್ಯಾಪಕಿ ಡಾ. ಲಕ್ಷ್ಮಿ ಜಿ. ಪ್ರಸಾದ ಬರೆದ ‘ಕರಾವಳಿಯ ಸಾವಿರದೊಂದು ದೈವಗಳು– ಒಂದು ಐತಿಹಾಸಿಕ, ಸಾಂಸ್ಕೃತಿಕ ವಿಶ್ಲೇಷಣಾತ್ಮಕ ನೋಟ’ ಎಂಬ ಅಧ್ಯಯನ ಗ್ರಂಥವನ್ನು ಬೆಂಗಳೂರಿನ ಗಿರಿನಗರದ ರಾಮಚಂದ್ರಾಪುರ ಮಠದಲ್ಲಿ ರಾಘವೇಶ್ವರ ಭಾರತಿ ಸ್ವಾಮೀಜಿ ಬಿಡುಗಡೆಗೊಳಿಸಿದರು.

‘ದೈವಗಳ ಕುರಿತ ಗ್ರಂಥವು ಸಮಗ್ರ ಮಾಹಿತಿಯನ್ನು ಒಳಗೊಂಡಿದೆ. ಕರಾವಳಿಯ ಸಾಂಸ್ಕೃತಿಕ ಅಧ್ಯಯನ ಕ್ಷೇತ್ರದಲ್ಲಿ ಇದೊಂದು ಮೈಲಿಗಲ್ಲು. ಇದರಲ್ಲಿ ಕೊಡಗು, ಕಾರವಾರದಿಂದ ಕೊಟ್ಟಾಯಂವರೆಗೆ ಕೊಡವರು, ಕನ್ನಡಿಗರು, ತುಳುನಾಡಿನವರು, ಮಲೆಯಾಳಿಗರುಆರಾಧಿಸುವ 1,228 ದೈವಗಳ ಮಾಹಿತಿ ಇದೆ’ ಎಂದು ಸ್ವಾಮೀಜಿ ಹೇಳಿದರು.