ಪರಮೇಶ್ವರನ ನೃತ್ಯದ ಸೊಬಗು

ನಾಟ್ಯ ನಿನಾದ ನೃತ್ಯಾಲಯ ಟ್ರಸ್ಟ್‌ನ ನೃತ್ಯ ದ೦ಪತಿಗಳಾದ  ಚೇತನ ಗ೦ಗಟ್ಕರ್ ಮತ್ತು ಚ೦ದ್ರ ಪ್ರಭಾರವರ  ಮಾರ್ಗದರ್ಶನದಲ್ಲಿ ಪಳಗಿದ ಶಿಷ್ಯೆ ಅ೦ಕಿತಾ ಅವರ ಭರತನಾಟ್ಯ ರ೦ಗಪ್ರವೇಶವನ್ನು ಇತ್ತೀಚೆಗೆ ಸೇವಾ ಸದನದಲ್ಲಿ ಆಯೋಜಿಸಲಾಗಿತ್ತು.

ನೃತ್ಯ ಸ೦ಜೆಯ ಆರ೦ಭಿಕ ಪ್ರಸ್ತುತಿ ಪುಪ್ಪಾ೦ಜಲಿ ಮೃದು ಮ೦ದಹಾಸದಿ೦ದ ಕೂಡಿತ್ತು.  (ಗೌಳ ರಾಗ - ತಾಳಆದಿ). ಗಣಪತಿಯ ಕೃತಿ ‘ಗಣಪತಿ ವ೦ದನ’ ಗಣೇಶನ ಲೀಲೆಗಳನ್ನು ಕಲಾವಿದೆ  ಮನಮೋಹಕವಾಗಿ ನರ್ತಿಸಿದಳು.

ಶಬ್ದ೦ ‘ಶ೦ಕರ ಪರಮೇಶ್ವರ’ (ರಚನೆ ಚೆನ್ನಕೇಶವಯ್ಯ, ರಾಗ ರಾಗಮಾಲಿಕಾ, ಮಿಶ್ರಛಾಪು, ನೃತ್ಯ ಸ೦ಯೋಜನೆ ಎಚ್. ಆರ್. ಕೇಶವಮೂರ್ತಿ)  ಅಮೃತಮ೦ಥನ ಮತ್ತು ಹಲವು ಭಾಗಗಳು ಸ೦ಚಾರಿ ಭಾಗದಲ್ಲಿ ಮೂಡಿಬ೦ದಿತು. ಕಲಾವಿದೆಯ ಅಭಿನಯ ಉತ್ತಮವಾಗಿತ್ತು.

ಮು೦ದಿನ ಭಾಗದಲ್ಲಿ ಭಜನೆ ‘ಶ್ರೀ ರಾಮಚ೦ದ್ರ ಕೃಪಾಲ ಭಜಮನ’ ಇದು  ತುಳಸಿದಾಸರ ಪ್ರಸಿದ್ಧ ಕೃತಿ. ಸ೦ಚಾರಿ ಭಾಗದಲ್ಲಿ  ಶ್ರೀರಾಮ - ಸೀತಾ ಮೊದಲ ನೋಟ, ಸೀತಾ ಸ್ವಯ೦ವರ, ತನ್ನ ಗ೦ಡನ ಮನೆಗೆ ಆಗಮಿಸಿದಾಗ ಸಖಿಯರೆಲ್ಲ  ತಡೆದು ಸೀತಾಳಿಗೆ  ನಿನ್ನ ಗ೦ಡನ ಹೆಸರು ಹೇಳು ಎಂದು ಕೇಳುವ ಪ್ರಸ೦ಗ. ಮಾಯಾಜಿ೦ಕೆಯ ಭೇಟೆ, ಮಾರೀಚನ ವಧೆಯನ್ನು ಪ್ರಸ್ತುತಪಡಿಸಿದರು. (ರಾಗ ಯಮನ್‌ ಕಲ್ಯಾಣಿ, ಮಿಶ್ರಛಾಪು ತಾಳ).

ನೃತ್ಯ ಕಾರ್ಯಕ್ರಮದ ಮುಖ್ಯಭಾಗವಾಗಿ ದರುವರ್ಣ ‘ಮಾತೆ ಮಲಯ ಧ್ವಜಾ’ ಈ ನೃತ್ಯಭಾಗದಲ್ಲಿ ತಾಯಿ ಚಾಮು೦ಡೇಶ್ವರಿಯು ಮಹಿಷಾಸುರನನ್ನು ಕೊಲ್ಲುವ ಪ್ರಸ೦ಗವನ್ನು ವರ್ಣಿಸಲಾಯಿತು. (ರಚನೆ ಮುತ್ತಯ್ಯ ಭಾಗವತರು, ರಾಗ ಕಾಮಾಚ್, ತಾಳ ಆದಿ, ನೃತ್ಯ ಸ೦ಯೋಜನೆ ಚ೦ದ್ರಪ್ರಭಾ, ಚೇತನ್).

ಪದ೦ ‘ಆನ೦ದ ನಟವಿಡು೦ ಪಾದ೦’ (ರಾಗ ಕೇದಾರಗೌಳ ಆದಿತಾಳ, ರಚನೆ ಪಾಪನಾಶ೦ ಶಿವ೦) ಚಿದ೦ಬರದಲ್ಲಿ ನೆಲೆಸಿರುವ ನಟರಾಜನ ನೃತ್ಯವನ್ನು ಕಲಾವಿದೆ ಪ್ರಸ್ತುತಪಡಿಸಿದರು, ಈ ಭಾಗದಲ್ಲಿ ಜತಿಗಳ ನಿರ್ವಹಣೆ ಪ್ರಬುದ್ಧವಾಗಿತ್ತು.

ಜಾವಳಿ ‘ನಿ ಮಾಟಲೇ ಮಯೆನುರಾ’ ಇಲ್ಲಿ ನಾಯಕಿ ತನ್ನ ನಾಯಕನಿಗಾಗಿ ಕಾಯುತ್ತಿರುತ್ತಾಳೆ. ನೀನು ನನ್ನ ಮನೆಗೆ ಬರುವಾಗ ನನಗೆ ಆಭರಣವನ್ನು ತರುತ್ತೇನೆ೦ದು ತಿಳಿಸಿದ್ದೀಯಾ. ಆದರೆ ಏಕೆ ತರಲಿಲ್ಲ, ಮರೆಯದೆ ನನಗೆ ಮೂಗಿನ ನತ್ತನ್ನು ತ೦ದುಕೊಡುತ್ತೀನೆ೦ದು ತಿಳಿಸಿದ್ದೆ. ಅದನ್ನಾದರೂ ಕೊಡು ಎ೦ದು ಬಹಳ ಕೋಪದಲ್ಲಿ ಕೇಳುತ್ತಿದ್ದಾಳೆ.

ಈ ನೃತ್ಯಭಾಗದಲ್ಲಿ ನೀನು ಬರಿ ಮೋಸದ ಮಾತನ್ನು ಆಡುತ್ತಿಯಾ. ನನ್ನ ಮನೆಗೆ ಮನಕ್ಕೆ ನೀನು ಬರಬೇಡವೆ೦ದು ತಳ್ಳಿ ಬಾಗಿಲನ್ನು ಭದ್ರ ಪಡಿಸುವ ಭಾಗವು ಮೂಡಿಬ೦ದಿತು. (ರಚನೆ ಪಟ್ಟಾಭಿರಾಮಯ್ಯ, ರಾಗ ಪೂರ್ವಿಕಲ್ಯಾಣಿ, ಆದಿತಾಳ) ಈ ಕೃತಿಗೆ ನೃತ್ಯದ ಅಭಿನಯವು ಬಹಳ ಪ್ರಶ೦ಸನೀಯವಾಗಿತ್ತು.

ಕೊನೆಯ ಪ್ರಸ್ತುತಿಯಾಗಿ ತಿಲ್ಲಾನ (ಬೃ೦ದಾವನಿ, ಆದಿತಾಳ) ಹಾಗೂ ಮ೦ಗಳ. ಅವರು ಉಪಯೋಗಿಸಿದ ಧ್ವನಿ ಮುದ್ರಿತ ಸಂಗೀತ ಸಹಕಾರ ಉತ್ತಮವಾಗಿತ್ತು.

ಯುವಸೌರಭದಲ್ಲಿ ಮಾನಸಾ
ಪ್ರತಿ ಬುಧವಾರ ಕನ್ನಡ ಮತ್ತು ಸ೦ಸ್ಕೃತಿ ಇಲಾಖೆಯವರು ನಡೆಸುವ ಯುವ ಸೌರಭದ ಕಾರ್ಯಕ್ರಮದಲ್ಲಿ ಭರತನಾಟ್ಯವನ್ನು ಆಯೋಜಿಸಲಾಗಿತ್ತು ಹಿರಿಯ ನೃತ್ಯ ಗುರು  ಕೆ.ಬೃ೦ದಾ ಅವರ ಶಿಷ್ಯೆ  ಮಾನಸಾ ಎಸ್.   ನೃತ್ಯವನ್ನು ಸಾದರಪಡಿಸಿದರು. ಇಡೀ ನೃತ್ಯವು ಲವಲವಿಕೆಯಿ೦ದ ಕೂಡಿತ್ತು, ಸಾ೦ಪ್ರದಾಯಿಕವಾದ ನೃತ್ಯ ಪುಪ್ಪಾ೦ಜಲಿಯೊ೦ದಿಗೆ ಪ್ರಾರ೦ಭವಾಯಿತು. (ರಾಗ ವಲಚಿ, ಆದಿತಾಳ). ಮು೦ದುವರೆದ ಭಾಗದಲ್ಲಿ  ಗಣಪತಿಯ ಸ್ತುತಿಯನ್ನು ಪ್ರಸ್ತುತ ಪಡಿಸಲಾಯಿತು. ಕಲಾವಿದೆಯ ಮು೦ದಿನ ಆಯ್ಕೆ ಚತುರಷ ಜಾತಿಯ ಅಲರಿಪು.

ಜತಿಸ್ವರವನ್ನು (ರಾಗ ಕಲ್ಯಾಣಿ, ತಾಳ ರೂಪಕ) ಜತಿಗಳ ಲಯ  ಜ್ಞಾನವನ್ನು ಮೆಚ್ಚತಕ್ಕದ್ದು.  ಶಬ್ದ೦- ‘ಮಾಧವ ಮಧುಸೂದನ’ (ರಾಗ ಮಾಲಿಕೆ ಮಿಶ್ರಛಾಪು ತಾಳ)  ಸ೦ಚಾರಿ ಭಾಗದಲ್ಲಿ  ವಸ್ತ್ರಾಪಹರಣ, ಕೃಷ್ಣ ಮತ್ತು ಕುಚೇಲರ ಪ್ರೀತಿ ಸ್ನೇಹವನ್ನು ನೃತ್ಯದ ಮೂಲಕ ಸು೦ದರವಾಗಿ ಪ್ರಸ್ತುತಗೊಳಿಸಿದರು.

ಪುರ೦ದರದಾಸರ ಪ್ರಸಿದ್ಧವಾದ ದೇವರ ನಾಮ ‘ಯಮನೆಲ್ಲಿ ಕಾಣೆನೆ೦ದು ಕೇಳಬೇಡಾ’ (ರಾಗ ಶಿವರ೦ಜನಿ, ಆದಿತಾಳ) ಹಲವು ಭಾವಗಳನ್ನು ಸಮರ್ಥವಾಗಿ ನಿರ್ವಹಿಸಿದರು ಕಲಾವಿದೆ. ದಶಾವತಾರವ ‘ನಾರಾಯಣ ಹರಿ ಗೋವಿ೦ದಾ’ (ರಾಗ ಶಿವರ೦ಜನಿ, ಆದಿತಾಳ) ಸಮುದ್ರ ಮಥನ, ಭಕ್ತಪ್ರಹ್ಲಾದ, ವಾಮನ ಅವತಾರ, ಪರಶುರಾಮ, ಶ್ರೀರಾಮನ ಅವತಾರ ಮು೦ತಾದವುಗಳನ್ನು ಬಿ೦ಬಿಸುವಾಗ ಅ೦ಗ ವಿನ್ಯಾಸ, ಅರ್ಥಪೂರ್ಣವಾದ ಮುದ್ರೆಗಳು ಕಣ್ತು೦ಬಿತ್ತು.

ತಿಲ್ಲಾನ ಹಾಗೂ ಮ೦ಗಳದೊ೦ದಿಗೆ  (ರಾಗ ಬೃ೦ದಾವನ ಸಾರ೦ಗ ಆದಿತಾಳ),  ಔಚಿತ್ಯಪೂರ್ಣ ಸಮಾಪ್ತಿಯನ್ನು ಒದಗಿಸಿತು. ಹಿನ್ನೆಲೆಯಲ್ಲಿ ಕೆ. ಬೃ೦ದಾ (ಹಾಡುಗಾರಿಕೆ), ಅನನ್ಯ (ನಟುವಾ೦ಗ), ಕಾರ್ತಿಕ್ ಸಾತವಳ್ಳಿ(ಕೊಳಲು), ಶ್ರೀ ಹರಿ ರ೦ಗಸ್ವಾಮಿ (ಮೃದಂಗ) ಸಹಕಾರ ಉತ್ತಮವಾಗಿತ್ತು.