ಕುವೆಂಪು ಪದ ಸೃಷ್ಟಿ: ಹಗಲಿನಕ್ಷಿ

ಹಗಲಿನಕ್ಷಿ

ಹಗಲನ್ನು ಬೆಳಗುವ ಸೂರ್ಯನನ್ನು ಪಗಲಕರ, ಪಗಲಬಲ್ಲಹ, ಹಗಲಚುಕ್ಕೆ, ಹಗಲಿನ ದೀಪ, ಪಗಲಾಣ್ಮ, ಪಗಲೆರೆಯ, ಹಗಲೊಡೆಯ ಎಂದು ಹಲವು ವಿಧವಾಗಿ ಕನ್ನಡ ಕವಿಗಳು ವರ್ಣಿಸಿದ್ದಾರೆ. ಸೂರ್ಯನು ಪೂರ್ವ ದಿಕ್ಕಿನಲ್ಲಿ ಕಣ್ಣು ತೆರೆಯುವುದರಿಂದ ಜಗತ್ತಿಗೆ ಬೆಳಕಾಗುವುದು. ಹಾಗಾಗಿ ಕುವೆಂಪು ಅವರು ರವಿಯನ್ನು ಹಗಲಿನ ಕಣ್ಣಾಗಿ ಕಂಡು ‘ಹಗಲಿನಕ್ಷಿ’ ಪದ ರಚಿಸಿ ಹೀಗೆ ಚಿತ್ರಿಸಿದ್ದಾರೆ :

ದಿಗುತಟದಲಿ ತೆರೆಯುತಿತ್ತು

ಹಗಲಿನಕ್ಷಿ.

(ಭಾದ್ರಪದದ ಸುಪ್ರಭಾತ - ಪಕ್ಷಿಕಾಶಿ)