ಕುವೆಂಪು ಪದ ಸೃಷ್ಟಿ: ಕಾಡದಟು

ಕಾಡದಟು (ನಾ). ಕಾಡುತನದ ಪರಾಕ್ರಮ; ನಾಗರಿಕವಲ್ಲದ ಶೌರ್ಯ

(ಕಾಡು + ಅದಟು)

ಆಮಂತ್ರಣ ಮುಗಿದ ಮಾರನೆಯ ಬೆಳಗ್ಗೆ ರಾಮಲಕ್ಷ್ಮಣರು ಸುಗ್ರೀವ ಮತ್ತು ಅವನ ಸಂಗಡಿಗರನ್ನು ನಿರೀಕ್ಷಿಸುತ್ತ ಕುಳಿತಿರುತ್ತಾರೆ. ಹೊತ್ತೇರುತ್ತಿದ್ದರೂ ಆ ವಾನರರು ಬಾರದಿರಲು ಲಕ್ಷ್ಮಣನು ಅಣ್ಣನಿಗೆ ಹೇಳುವ ಮಾತಿನಲ್ಲಿ ಕುವೆಂಪು ಅವರು ವಾನರರದು ನಾಗರಿಕವಲ್ಲದ ಶೌರ್ಯ, ಅದು ಕಾಡುತನದ ಪರಾಕ್ರಮ ಎಂದು ತಿಳಿಸಲು ‘ಕಾಡದಟು’ ಪದ ಸೃಷ್ಟಿಸಿ ಪ್ರಯೋಗಿಸಿದ್ದಾರೆ.

ಹೆರರ ಕಯ್ ಹಾರೈಸದೆಮ್ಮಾರ್ಪನಾಂ ನೆಮ್ಮಿ

ಮುಂಬರಿದ ನಮಗೀಗಳೇಕೀ ಕಪಿಧ್ವಜರ

ಕಾಡದಟಿನೊಂದು ಹಂಗು?