11ನೇ ಮನೆ ಲಾಭದ ಸ್ಥಾನ: ಹುಟ್ಟಿದ ಲಗ್ನದ ಆಧಾರದಲ್ಲಿ ಯಾವ ನಕ್ಷತ್ರದವರಿಗೆ ಮಂಗಳಕರ

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಹುಟ್ಟಿದ ಲಗ್ನದ ಅನುಸಾರವಾಗಿ 11ನೇ ಮನೆಯನ್ನು ಲಾಭ ಸ್ಥಾನ ಎಂದು ಕರೆಯಲಾಗುತ್ತದೆ. 11ನೇ ಮನೆಯಲ್ಲಿ ಯಾವ ಗ್ರಹಗಳಿದ್ದರೆ ಶುಭವಾಗುತ್ತದೆ ಎಂಬುದನ್ನು ನೋಡೋಣ.

• 11ನೇ ಮನೆಯಲ್ಲಿರುವ ಗ್ರಹಗಳು ಜಾತಕದ ಮೇಲೆ ಯಾವುದೇ ತೊಂದರೆ ಉಂಟು ಮಾಡುವುದಿಲ್ಲ ಎಂದು ಜ್ಯೋತಿಷ ಹೇಳುತ್ತದೆ.

  ADVERTISEMENT

• 11ನೇ ಮನೆಯಲ್ಲಿ ಶುಕ್ರ, ಗುರು ಹಾಗೂ ರಾಹು ನಕ್ಷತ್ರಗಳಿದ್ದರೆ ಕೆಲವು ಜಾತಕದವರು ಅತ್ಯಂತ ಶ್ರೀಮಂತರಾಗುತ್ತಾರೆ. 11ನೇ ಮನೆಯಲ್ಲಿ ಸೂರ್ಯನಿದ್ದರೆ ಕೆಲಸ ಕಾರ್ಯಗಳಲ್ಲಿ ಲಾಭವಾಗಲಿದೆ. ವ್ಯಾಜ್ಯಗಳಲ್ಲಿ ಪರಿಹಾರವಾಗಲಿವೆ. ಕಲಾವಿದರು ಆಗಬಹುದು. 

• 11ನೇ ಮನೆಯಲ್ಲಿ ಚಂದ್ರನಿದ್ದರೆ ಹಿಡಿದ ಕೆಲಸಗಳಲ್ಲಿ ಜಯ ಸಿಗುತ್ತದೆ. 

• 11ನೇ ಮನೆಯಲ್ಲಿ ಕುಜನಿದ್ದರೆ, ಶ್ರಮವಹಿಸಿ ಕಷ್ಟಪಟ್ಟು ಜಯಶಾಲಿಗಳಾಗುತ್ತೀರಿ. ಹಟ ಸಾಧಿಸಿ ಗೆಲುವು ಪಡೆಯುತ್ತೀರಿ.

• ಬುಧನಿದ್ದರೆ, ಕೆಲಸ ಕಾರ್ಯಗಳಲ್ಲಿ ವಿಜಯ ಶಾಲಿಗಳಾಗುತ್ತಾರೆ. ಇವರು ತಮ್ಮ ಕೆಲಸವನ್ನು ಮುಂಚಿತವಾಗಿ ಯಾರಿಗೂ ಹೇಳಿಕೊಳ್ಳುವುದಿಲ್ಲ, ಕೆಲಸವಾದ ನಂತರ ಇವರ ಕೆಲಸಕ್ಕೆ ಮೆಚ್ಚುಗೆ ದೊರೆಯುತ್ತದೆ.

• ಗುರುವಿದ್ದಲ್ಲಿ ಒಂದಕ್ಕಿಂತ ಹೆಚ್ಚು ಲಾಭಗಳಿಸುತ್ತಾರೆ. ವಿವಿಧ ಕೆಲಸಗಳನ್ನು ಏಕಕಾಲದಲ್ಲಿ ಮಾಡಿ ಮುಗಿಸುತ್ತಾರೆ.

• ಶುಕ್ರನಿದ್ದಲ್ಲಿ ಪ್ರತಿದಿನವೂ ಸಂಪತ್ತಿನ ಜೋಡಣೆ ಆಗುತ್ತಿರುತ್ತದೆ. ಸ್ತ್ರೀ ಹಾಗೂ ಪುರುಷರ ಸ್ನೇಹ ಸಂಪಾದಿಸುತ್ತೀರಿ.

• 11ನೇ ಮನೆಯಲ್ಲಿ ಶನಿ ಇದ್ದರೆ, ಪ್ರತಿ ಕೆಲಸಕ್ಕೂ ಒಂದು ಚೌಕಟ್ಟು ಹಾಕಿಕೊಂಡು ಕೆಲಸವನ್ನು ಬೇಗ ಮಾಡಿ ಮುಗಿಸುತ್ತಾರೆ. ನಷ್ಟದ ಪ್ರಮಾಣ ಕಡಿಮೆ ಇರುತ್ತದೆ.

• ರಾಹು ಇದ್ದಲ್ಲಿ ಶಿಕ್ಷೆಗಳಿಂದ ತಪ್ಪಿಸಿಕೊಳ್ಳುತ್ತಾರೆ. ಬಾರಿ ತೊಂದರೆಗಳಿಂದ ದೂರವಿರುತ್ತಾರೆ. 

• 11ನೇ ಮನೆಯಲ್ಲಿ ಕೇತುವಿದ್ದಲ್ಲಿ ಅವಕಾಶಗಳು ಅವರನ್ನು ಹುಡುಕಿಕೊಂಡು ಬರುತ್ತದೆ. ಕೇತುವಿನ ಜೊತೆ ಇತರೆ ಗ್ರಹಗಳ ಬಲವಿದ್ದರೆ, ಹಲವು ಶುಭ ಫಲಗಳನ್ನು ಲಭಿಸಲಿವೆ. ಈ ರೀತಿಯಾಗಿ 11ನೇ ಮನೆ ಜಾತಕದ ಅನುಸಾರ ಶುಭವೆಂದು ಹೇಳಲಾಗುತ್ತದೆ.