ಮಾರುತಿ ಸುಜುಕಿ: ಸ್ಫೋರ್ಟ್ಸ್‌ ಆವೃತ್ತಿಯ ಸಿಯಾಜ್‌ ಕಾರು ಬಿಡುಗಡೆ
ನವದೆಹಲಿ: ದೇಶದ ಕಾರು ತಯಾರಿಕಾ ಕಂಪನಿ ಮಾರುತಿ ಸುಜುಕಿ ಇಂಡಿಯಾ ಶನಿವಾರ ಹೊಸ 'ಸಿಯಾಜ್‌ ಎಸ್‌' ಬಿಡುಗಡೆ ಮಾಡಿದೆ. ಸ್ಫೋರ್ಟ್ಸ್‌ ಆವೃತ್ತಿಯ ಸೆಡಾನ್‌ ಕಾರು ಇದಾಗಿದೆ.
ಅನಾವರಣಗೊಂಡಿರುವ 'ಸಿಯಾಜ್‌–ಎಸ್‌' ಕಾರಿಗೆ ₹ 10.08 ಲಕ್ಷ ನಿಗದಿಯಾಗಿದೆ. ಬಿಎಸ್–6 ಗುಣಮಟ್ಟದ ಸಿಯಾಜ್‌ ಮಾದರಿಯ ಕಾರುಗಳನ್ನು ಬಿಡುಗಡೆ ಮಾಡಿರುವುದಾಗಿ ಕಂಪನಿ ತಿಳಿಸಿದೆ. ಸಿಯಾಜ್‌ ಬಿಎಸ್–6 ಕಾರುಗಳ ಬೆಲೆ ₹ 8.31 ಲಕ್ಷದಿಂದ ₹ 11.09 ಲಕ್ಷ ನಿಗದಿಯಾಗಿದೆ. ಏಪ್ರಿಲ್‌ 1ರಿಂದ ಬಿಎಸ್–6 ವಾಯು ಮಾಲಿನ್ಯಪರಿಮಾಣ ಜಾರಿಯಾಗಲಿದೆ.
ಎಂಜಿನ್‌ ಸಾಮರ್ಥ್ಯ, ಸೆಳೆಯುವ ಹೊರ ವಿನ್ಯಾಸ ಹಾಗೂ ಕಾರಿನ ಒಳಗಿನ ಪ್ರೀಮಿಯಂ ವಿನ್ಯಾಸಗಳಿಂದ ಜನಪ್ರಿಯಗೊಂಡಿರುವಸಿಯಾಜ್‌ ಶೇ 29ರಷ್ಟು ಮಾರುಕಟ್ಟೆ ಪಾಲು ಹೊಂದಿದ್ದು, ಈವರೆಗೂ 2.7 ಲಕ್ಷ ಕಾರುಗಳು ಮಾರಾಟಗೊಂಡಿವೆ.
ಬಿಡುಗಡೆಯಾಗಿರುವ ಸ್ಫೋರ್ಟ್‌ ಆವೃತ್ತಿಯ ಸಿಯಾಜ್‌ ಕಾರಿಗೆ ಹಿಂಬದಿಯಲ್ಲಿ ಅಳವಡಿಸಲಾಗಿರುವ ಸ್ಪಾಯ್ಲರ್‌ ಗಮನ ಸೆಳೆಯುತ್ತಿದೆ. ಮುಂಬದಿಯಲ್ಲಿ ಫಾಗ್‌ ಲ್ಯಾಂಪ್‌, ಮಲ್ಟಿ ಸ್ಪೋಕ್‌ ಹೊಂದಿರುವ 16 ಇಂಚಿನ ಅಲಾಯ್‌ ವೀಲ್ಸ್‌ ನೀಡಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.