ಟಾಟಾದಿಂದ ಹ್ಯಾರಿಯರ್ ಇ.ವಿ ಬಿಡುಗಡೆ

ನವದೆಹಲಿ: ದೇಶದ ಪ್ರಮುಖ ವಾಹನ ತಯಾರಿಕಾ ಕಂಪನಿ ಟಾಟಾ ಮೋಟರ್ಸ್‌, ವಿದ್ಯುತ್ ಚಾಲಿತ ‘ಹ್ಯಾರಿಯರ್‌ ಇ.ವಿ’ ಕಾರನ್ನು ಮಂಗಳವಾರ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. 

ಈ ಎಸ್‌ಯುವಿ ವಾಹನದ ಆರಂಭಿಕ ಎಕ್ಸ್‌ ಷೋರೂಂ ಬೆಲೆ ₹21.49 ಲಕ್ಷ. ಜುಲೈ 2ರಿಂದ ಕಾರುಗಳ ಬುಕಿಂಗ್‌ ಶುರುವಾಗಲಿದೆ. ಒಮ್ಮೆ ಚಾರ್ಚ್‌ ಮಾಡಿದರೆ 500 ಕಿ.ಮೀ. ಪ್ರಯಾಣಿಸಬಹುದಾಗಿದ್ದು, ತ್ವರಿತವಾಗಿ ಚಾರ್ಜ್ ಆಗಲಿದೆ. 

ಈ ಕಾರಿನಲ್ಲಿ 75 ಕೆಡಬ್ಲ್ಯುಎಚ್‌ ಸೇರಿ ಎರಡು ಬ್ಯಾಟರಿ ಆಯ್ಕೆಗಳಿವೆ. ಈ ಬ್ಯಾಟರಿಗಳಿಗೆ ಜೀವಿತಾವಧಿ ಗ್ಯಾರಂಟಿ ಇದೆ. ಸ್ವಯಂಚಾಲಿತ ಪಾರ್ಕಿಂಗ್‌ ವ್ಯವಸ್ಥೆ ಸೇರಿ 55ಕ್ಕೂ ಹೆಚ್ಚು ವೈಶಿಷ್ಠ್ಯಗಳಿವೆ ಎಂದು ಟಾಟಾ‌‌ ಮೋಟರ್ಸ್ ಪ್ಯಾಸೆಂಜರ್ ವೆಹಿಕಲ್ ಲಿಮಿಟೆಡ್ ಮತ್ತು ಟಾಟಾ ಪ್ಯಾಸೆಂಜರ್ ಎಲೆಕ್ಟ್ರಿಕ್ ಮೊಬಿಲಿಟಿ‌ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕ ಶೈಲೇಶ್ ಚಂದ್ರ ತಿಳಿಸಿದ್ದಾರೆ.