ಏಪ್ರಿಲ್-ಮೇ ಅವಧಿ ನೇರ ತೆರಿಗೆ ಶೇ 21ರಷ್ಟು ಹೆಚ್ಚಳ

ನವದೆಹಲಿ (ಐಎಎನ್‌ಎಸ್): ಪ್ರಸಕ್ತ ಹಣಕಾಸು ವರ್ಷದ ಏಪ್ರಿಲ್-ಮೇ ಅವಧಿಯಲ್ಲಿ ನೇರ ತೆರಿಗೆ ಸಂಗ್ರಹ ಶೇ 21ರಷ್ಟು ಹೆಚ್ಚಿದ್ದು, ರೂ63,252 ಕೋಟಿಯಷ್ಟಾಗಿದೆ.

ಒಟ್ಟಾರೆ 2013-14ನೇ ಸಾಲಿನಲ್ಲಿ ನೇರ ತೆರಿಗೆ ಸಂಗ್ರಹದಲ್ಲಿ ಶೇ 18ರಷ್ಟು ಹೆಚ್ಚಳ ನಿರೀಕ್ಷಿಸಲಾಗಿದೆ. ಮೊದಲ 2 ತಿಂಗಳಲ್ಲಿ ಆದಾಯ ತೆರಿಗೆ ಸಂಗ್ರಹ ಶೇ 27ರಷ್ಟು ಹೆಚ್ಚಿ ರೂ34,805 ಕೋಟಿಯಷ್ಟಾಗಿದೆ. ರೂ27,957 ಕೋಟಿ ಕಾರ್ಪೊರೇಟ್ ತೆರಿಗೆ  ಸಂಗ್ರಹವಾಗಿದ್ದು, ಶೇ 15ರಷ್ಟು ಪ್ರಗತಿ ಕಂಡಿದೆ. ಆಸ್ತಿ ತೆರಿಗೆ ಸಂಗ್ರಹ ಶೇ 87ರಷ್ಟು ಏರಿಕೆ ಕಂಡಿದ್ದು ರೂ28 ಕೋಟಿಯಷ್ಟಾಗಿದೆ ಎಂದು ಹಣಕಾಸು ಸಚಿವಾಲಯ ಹೇಳಿದೆ.