ಚಿನ್ನ, ಬೆಳ್ಳಿ ಇಳಿಕೆ

ನವದೆಹಲಿ (ಪಿಟಿಐ): ಜಾಗತಿಕ ಸಂಗತಿಗಳ ಹಿನ್ನೆಲೆಯಲ್ಲಿ, ಶನಿವಾರ ಚಿನ್ನದ ಧಾರಣೆ 10 ಗ್ರಾಂಗಳಿಗೆ ರೂ700 ಕುಸಿದಿದ್ದು, ರೂ28 ಸಾವಿರದ ಗಡಿ ಇಳಿದಿದೆ. ಬೆಳ್ಳಿ ಬೆಲೆ ಒಂದೇ ದಿನದಲ್ಲಿ ಕೆ.ಜಿಗೆ ರೂ5,000 ಕುಸಿತ ಕಂಡಿದ್ದು, ರೂ54,000 ರಷ್ಟಾಗಿದೆ.

ಶನಿವಾರ ದೆಹಲಿ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ 10 ಗ್ರಾಂಗಳಿಗೆ ರೂ27,340 ರಷ್ಟಾಗಿದೆ.  ಹಳದಿ ಲೋಹದ  ಮೇಲಿನ ಹೂಡಿಕೆ ಕಡಿಮೆಯಾಗಿರುವುದು ಮತ್ತು ಬೆಳ್ಳಿಗೆ ಕೈಗಾರಿಕೆ ಬೇಡಿಕೆ ಕುಸಿದಿರುವುದು ಬೆಲೆ ಇಳಿಕೆಗೆ ಪ್ರಮುಖ ಕಾರಣ.

ಜಾಗತಿಕ ಮಾರುಕಟ್ಟೆಯಲ್ಲೂ ಚಿನ್ನದ ಬೆಲೆ ಪ್ರತಿ ಔನ್ಸ್‌ಗೆ ಒಂದೇ ದಿನದಲ್ಲಿ 101 ಡಾಲರ್‌ಗಳಷ್ಟು ಇಳಿಕೆಯಾಗಿದ್ದು, 1639 ಡಾಲರ್‌ಗಳಷ್ಟಾಗಿದೆ ಇದು 2008ರ ಹಿಂದಿನ ಧಾರಣೆ. 

ದೇಶೀಯ ಮಾರುಕಟ್ಟೆಯಲ್ಲಿ 99.9 ಮತ್ತು 99.5 ಶುದ್ಧತೆ ಚಿನ್ನದ ಬೆಲೆ 10 ಗ್ರಾಂಗಳಿಗೆ ಕ್ರಮವಾಗಿ ರೂ27,340 ಮತ್ತು ರೂ27,190 ರಷ್ಟಾಗಿದೆ.