3 ಸ್ಪಾರ್ಕ್‌ಪ್ಲಗ್‌ನ ಪಲ್ಸರ್ 200ಎನ್‌ಎಸ್
ಬೆಂಗಳೂರು: ಮೂರು ಸ್ಪಾರ್ಕ್ ಪ್ಲಗ್ ಇರುವ, ಸಿಂಗಲ್ ಓವರ್‌ಹೆಡ್ ಕಾಮ್‌ಷಾಫ್ಟ್-4 ವಾಲ್ವ್‌ಗಳ, 200 ಸಿಸಿ ಸಾಮರ್ಥ್ಯದ ಮೋಟಾರ್ ಬೈಕನ್ನು ಬಜಾಜ್ ಆಟೊ ಲಿ. ಕರ್ನಾಟಕದ ಮಾರುಕಟ್ಟೆಗೆ ಸೋಮವಾರ ಪರಿಚಯಿಸಿತು.
`ಯುವಸಮೂಹವನ್ನೇ ದೃಷ್ಟಿಯಲ್ಲಿಟ್ಟುಕೊಂಡು ರೂಪಿಸಿರುವ ಪಲ್ಸರ್ 200 ಎನ್‌ಎಸ್ ವಿಶೇಷ ವಿನ್ಯಾಸದ್ದಾಗಿದೆ. ಸ್ಪೋರ್ಟ್ ಬೈಕ್‌ಗಳಲ್ಲಿಯೇ ಉತ್ಕೃಷ್ಟವಾಗಿರುವಂತೆ ಇದನ್ನು ತಯಾರಿಸಲಾಗಿದೆ~ ಎಂದು ಬಜಾಜ್ ಆಟೊ ಲಿ.ನ ಮಾರಾಟ ಮತ್ತು ಸರ್ವಿಸ್ ವಿಭಾಗದ ಪ್ರಧಾನ ವ್ಯವಸ್ಥಾಪಕ ಆರ್.ಚಂದ್ರಶೇಖರ್ ಹೇಳಿದರು.
ನಗರದಲ್ಲಿ ಸೋಮವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಬಜಾಜ್ ಪಲ್ಸರ್ 200ಎನ್‌ಎಸ್ ಮತ್ತು ಬಜಾಜ್ ಡಿಸ್ಕವರ್ 125 ಎಸ್‌ಟಿ ಮೋಟಾರ್‌ಗಳನ್ನು ಬಿಡುಗಡೆ ಮಾಡಿದ ಅವರು, ಬೆಂಗಳೂರಿನಲ್ಲಿ ಈ ಎರಡೂ ಬೈಕ್‌ಗಳ ಎಕ್ಸ್‌ಷೋರೂಂ ಬೆಲೆ ಕ್ರಮವಾಗಿ ರೂ. 85,863 ಮತ್ತು ರೂ. 54983ರಷ್ಟಿದೆ ಎಂದರು.
`ಟ್ರಿಪಲ್ ಸ್ಪಾರ್ಕ್ ಎಂಜಿನ್~ ನಮ್ಮದೇ ಸಂಶೋಧನೆ-ಅಭಿವೃದ್ಧಿಯಾಗಿದ್ದು, ಮೊದಲಿಗೆ ಪಲ್ಸರ್ ಬೈಕ್‌ನಲ್ಲಿ ಮಾತ್ರ ಅಳವಡಿಸಲಾಗಿದೆ. ಮುಂದಿನ ದಿನಗಳಲ್ಲಿ ಕಂಪೆನಿಯ ಇತರೆ ಮಾದರಿ ಬೈಕ್‌ಗಳಿಗೂ ಅಳವಡಿಸಲಾಗುವುದು ಎಂದರು.ಈ ಎರಡೂ ಬೈಕ್ ಈಗಾಗಲೇ ಮಹಾರಾಷ್ಟ್ರದಲ್ಲಿ ಬಿಡುಗಡೆಯಾಗಿದ್ದು, ಎರಡನೇ ಹಂತದಲ್ಲಿ ಕರ್ನಾಟಕದ ಮಾರುಕಟ್ಟೆ ಪ್ರವೇಶಿಸಲಾಗಿದೆ ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.