ಹೊಸ ಲೋಗೊ ಸಂಸ್ಥೆಯ ವಿಶ್ವಾಸವನ್ನು ಸೂಚಿಸುತ್ತದೆ: ಏರ್‌ ಇಂಡಿಯಾ

ನವದೆಹಲಿ: ಟಾಟಾ ಸಮೂಹದ ಒಡೆತನದ ಏರ್‌ ಇಂಡಿಯಾ ವಿಮಾನಯಾನ ಕಂಪನಿಯು ಹೊಸ ಲೋಗೊ ಮತ್ತು ವಿಮಾನದ ಬಣ್ಣವನ್ನು ಗುರುವಾರ ಅನಾವರಣ ಮಾಡಿದೆ.

ಏರ್‌ ಇಂಡಿಯಾವನ್ನು ಸ್ವಾಧೀನಪಡಿಸಿಕೊಂಡ ಬಳಿಕ ಟಾಟಾ ಸಮೂಹವು ಅದಕ್ಕೆ ಹೊಸ ರೂಪ ಕೊಡುವ ಭಾಗವಾಗಿ ಈ ಕ್ರಮ ಕೈಗೊಂಡಿದೆ.

ಕಂಪನಿಯ ಹೊಸ ಲೋಗೊ ಮಿತಿಯಿರದ ಸಾಧ್ಯತೆಗಳು, ಪ್ರಗತಿಶೀಲತೆ ಹಾಗೂ ಮುನ್ನೋಟದ ಕುರಿತು ಸಂಸ್ಥೆಯ ವಿಶ್ವಾಸವನ್ನು ಸೂಚಿಸುತ್ತದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.