ಚೆನ್ನೈ–ಬೆಂಗಳೂರು ಮಾರ್ಗದಲ್ಲಿ ಆಕಾಸಾ ಸೇವೆ ಆರಂಭ

ಚೆನ್ನೈ:ಆಕಾಸಾ ಏರ್‌ ವಿಮಾನಯಾನ ಕಂಪನಿಯ ಚೆನ್ನೈ–ಬೆಂಗಳೂರು ಮಾರ್ಗದಲ್ಲಿ ಶನಿವಾರದಿಂದ ವಿಮಾನ ಸೇವೆಯನ್ನು ಆರಂಭಿಸಿದೆ.

‘ಚೆನ್ನೈನಿಂದ ವಾಣಿಜ್ಯ ಸೇವೆ ಆರಂಭಿಸುವ ಮೂಲಕ ಮತ್ತೊಂದು ಮೈಲಿಗಲ್ಲು ಸಾಧಿಸಿದ್ದೇವೆ. ನಮ್ಮ ನೆಟ್‌ವರ್ಕ್‌ ವ್ಯಾಪ್ತಿಗೆ ಐದನೇ ನಗರ ಸೇರ್ಪಡೆಯಾಗಿದೆ’ ಎಂದು ಕಂಪನಿಯ ಸಹ ಸ್ಥಾಪಕ ಪ್ರವೀಣ್‌ ಅಯ್ಯರ್‌ ಹೇಳಿದ್ದಾರೆ. ‘ಈ ಹೊಸ ಮಾರ್ಗದಲ್ಲಿ ಎರಡೂ ಕಡೆಗಳಿಂದ ನಿತ್ಯವೂ ಎರಡು ಬಾರಿ ವಿಮಾನ ಸೇವೆ ಲಭ್ಯವಾಗಿದೆ’ ಎಂದು ಅವರು ತಿಳಿಸಿದ್ದಾರೆ.

ಸೆಪ್ಟೆಂಬರ್‌ 26ರಿಂದಚೆನ್ನೈ ಮತ್ತು ಕೊಚ್ಚಿ ಮಾರ್ಗದಲ್ಲಿಯೂ ವಿಮಾನ ಸಂಚಾರ ಆರಂಭಿಸಲಾಗುವುದು ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.