ಟ್ರಂಪ್‌ ಸುಂಕ ನೀತಿ: ಆಟೊ ಷೇರಿನ ಮೌಲ್ಯ ಇಳಿಕೆ

ನವದೆಹಲಿ: ಟ್ರಂಪ್‌ ಸುಂಕ ನೀತಿಯಿಂದಾಗಿ ದೇಶದ ಷೇರುಪೇಟೆಯಲ್ಲಿ ಗುರುವಾರ ನಡೆದ ವಹಿವಾಟಿನಲ್ಲಿ ವಾಹನ ಮತ್ತು ಅವುಗಳ ಬಿಡಿಭಾಗ ತಯಾರಿಸುವ ಕಂಪನಿಗಳ ಷೇರಿನ ಮೌಲ್ಯ ಇಳಿಕೆ ಕಂಡಿದೆ.

ಟಾಟಾ ಮೋಟರ್ಸ್‌ ಶೇ 5.50, ಅಶೋಕ್‌ ಲೇಲ್ಯಾಂಡ್‌ ಶೇ 2.77, ಐಷರ್‌ ಮೋಟರ್ಸ್‌ ಶೇ 0.97, ಮಹೀಂದ್ರ ಆ್ಯಂಡ್ ಮಹೀಂದ್ರ ಶೇ 0.35 ಹಾಗೂ ಅಪೋಲೊ ಟೈರ್ಸ್‌ ಷೇರಿನ ಮೌಲ್ಯವು ಶೇ 0.24ರಷ್ಟು ಕುಸಿದಿದೆ. 

ವಾಹನಗಳ ಬಿಡಿಭಾಗ ತಯಾರಿಸುವ ಕಂಪನಿಗಳಾದ ಸೋನಾ ಬಿಎಲ್‌ಡಬ್ಲ್ಯು ಪ್ರಿಷಿಸನ್‌ ಫೋರ್ಜಿಂಗ್ಸ್ ಶೇ 5.89, ಸಂವರ್ಧನಾ ಮದರ್‌ಸನ್ ಇಂಟರ್‌ನ್ಯಾಷನಲ್ ಶೇ 2.22, ಭಾರತ್ ಫೋರ್ಜ್ ಶೇ 2.30, ಎಎಸ್‌ಕೆ ಆಟೊಮೋಟಿವ್‌ ಶೇ 1.83, ಕ್ರಾಫ್ಟ್‌ಮನ್‌ ಆಟೋಮೇಷನ್‌ ಶೇ 1.54 ಹಾಗೂ ರಾಮಕೃಷ್ಣ ಫೊರ್ಜಿಂಗ್ಸ್ ಷೇರಿನ ಮೌಲ್ಯದಲ್ಲಿ ಶೇ 0.40ರಷ್ಟು ಇಳಿಕೆಯಾಗಿದೆ.