ಬೆಂಗಳೂರು: ಬ್ಯಾಂಕ್ ಆಫ್ ಬರೋಡಾ ಲಾಭ ಹೆಚ್ಚಳ

ಬೆಂಗಳೂರು: ಬ್ಯಾಂಕ್‌ ಆಫ್‌ ಬರೋಡಾ ಜೂನ್ ತ್ರೈಮಾಸಿಕದಲ್ಲಿ ₹ 4,541 ಕೋಟಿ ನಿವ್ವಳ ಲಾಭ ಗಳಿಸಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿನ ₹4,458 ಕೋಟಿ ನಿವ್ವಳ ಲಾಭಕ್ಕೆ ಹೋಲಿಸಿದರೆ ಈ ಬಾರಿ ಶೇ 1.9ರಷ್ಟು ಏರಿಕೆ ದಾಖಲಾಗಿದೆ. ನಿವ್ವಳ ಬಡ್ಡಿ ವರಮಾನವು ₹11,435 ಕೋಟಿಗೆ ತಲುಪಿದೆ.

‘ಠೇವಣಿ ಸಂಗ್ರಹವು ಶೇ 8.1ರಷ್ಟು ಏರಿಕೆಯಾಗಿ ಜೂನ್‌ 30ರ ಅಂತ್ಯಕ್ಕೆ ₹ 12,04,283 ಕೋಟಿಗೆ ತಲುಪಿದೆ’ ಎಂದು ಬ್ಯಾಂಕ್‌ನ ಪ್ರಕಟಣೆ ತಿಳಿಸಿದೆ.

ಒಟ್ಟು ವಸೂಲಾಗದ ಸಾಲದ ಪ್ರಮಾಣವು (ಜಿಎನ್‌ಪಿಎ) ಕಳೆದ ವರ್ಷದ ಇದೇ ತ್ರೈಮಾಸಿಕಕ್ಕೆ ಹೋಲಿಸಿದರೆ ಈ ತ್ರೈಮಾಸಿಕದಲ್ಲಿ ಶೇ 0.60ರಷ್ಟು ಕಡಿಮೆಯಾಗಿ ಶೇಕಡ 2.28ರಷ್ಟಕ್ಕೆ ಇಳಿದಿದೆ. ಬ್ಯಾಂಕ್‌ನ ನಿವ್ವಳ ವಸೂಲಾಗದ ಸಾಲದ (ಎನ್‌ಎನ್‌ಪಿಎ) ಪ್ರಮಾಣ ಕೂಡ ಶೇ 0.09ರಷ್ಟು ಕಡಿಮೆಯಾಗಿ ಶೇ 0.60ಕ್ಕೆ ಇಳಿದಿದೆ.

ಬ್ಯಾಂಕ್‌ನ ಒಟ್ಟಾರೆ ಸಾಲ ನೀಡಿಕೆ ಪ್ರಮಾಣವು ಶೇ 12.6ಕ್ಕೆ ಹೆಚ್ಚಳ ಕಂಡಿದೆ.