‘ಐಎಸ್‌ಐ ಮಾರ್ಕ್‌ ಇರುವ ಆಟಿಕೆಯನ್ನೇ ಖರೀದಿಸಿ’

ನವದೆಹಲಿ: ಐಎಸ್‌ಐ ಗುರುತು ಇರುವ ಆಟಿಕೆಗಳನ್ನೇ ಖರೀದಿಸಬೇಕು ಎಂದು ಭಾರತೀಯ ಮಾನದಂಡ ಮಂಡಳಿಯು (ಬಿಐಎಸ್‌) ಗ್ರಾಹಕರಿಗೆ ಮನವಿ ಮಾಡಿದೆ.

ಐಎಸ್‌ಐ ಗುರುತು ಇರುವ ಆಟಿಕೆಗಳಿಗೆ ಗುಣಮಟ್ಟದ ಪ್ರಮಾಣೀಕರಣವು ಕಡ್ಡಾಯ ಆಗಿರುವುದರಿಂದ ಇಂತಹ ಉತ್ಪನ್ನಗಳನ್ನೇ ಖರೀದಿಸುವಂತೆ ಹೇಳಿದೆ.

ಐಎಸ್‌ಐ ಗುರುತು ಇಲ್ಲದ ಆಟಿಕೆಗಳನ್ನು ಕಂಡರೆ ದೂರು ನೀಡುವಂತೆ ಗ್ರಾಹಕರಿಗೆ ತಿಳಿಸಿದೆ. ಬಿಐಎಸ್‌ ಕೇರ್ ಆ್ಯಪ್‌ ಮೂಲಕ ಅಥವಾ complaints@bis.gov.inಗೆ ದೂರು ನೀಡುವಂತೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಆಟಿಕೆಗಳಲ್ಲಿ ಗುಣಮಟ್ಟದ ಪ್ರಮಾಣೀಕರಣ ಇರುವುದನ್ನು 2021ರ ಜನವರಿಯಿಂದ ಕಡ್ಡಾಯಗೊಳಿಸಲಾಗಿದೆ.