ಆರು ತಿಂಗಳಲ್ಲಿ ಮೂರು ಎಲೆಕ್ಟ್ರಿಕ್‌ ವಾಹನ: ಬಿಎಂಡಬ್ಲ್ಯು

ನವದೆಹಲಿ: ಐಷಾರಾಮಿ ಕಾರು ತಯಾರಿಸುವ ಜರ್ಮನಿಯ ಬಿಎಂಡಬ್ಲ್ಯು ಕಂಪನಿಯು ದೇಶದಲ್ಲಿ ತನ್ನ ವಿದ್ಯುತ್‌ ಚಾಲಿತ ವಾಹನಗಳ ಪಯಣಕ್ಕೆ ವೇಗ ನೀಡಲು ಮುಂದಿನ ಆರು ತಿಂಗಳಿನಲ್ಲಿ ಮೂರು ವಿದ್ಯುತ್ ಚಾಲಿತ ವಾಹನಗಳನ್ನು ಬಿಡುಗಡೆ ಮಾಡುವುದಾಗಿ ಗುರುವಾರ ತಿಳಿಸಿದೆ.

ಸಂಪೂರ್ಣ ವಿದ್ಯುತ್‌ ಚಾಲಿತ ಎಸ್‌ಯುವಿ ‘ಬಿಎಂಡಬ್ಲ್ಯು ಐಎಕ್ಸ್‌’ಅನ್ನು 30 ದಿನಗಳಲ್ಲಿ, ಮಿನಿ ಎಲೆಕ್ಟ್ರಿಕ್‌ ವಾಹನವನ್ನು90 ದಿನಗಳಲ್ಲಿ ಹಾಗೂ ವಿದ್ಯುತ್ ಚಾಲಿತ ಮೊದಲ ಸೆಡಾನ್ ‘ಎಲೆಕ್ಟ್ರಿಕ್‌ ಐ4’ ಮಾದರಿಯನ್ನು180 ದಿನಗಳಲ್ಲಿ ಬಿಡುಗಡೆ ಮಾಡಲಾಗುವುದು ಎಂದು ಬಿಎಂಡಬ್ಲ್ಯು ಸಮೂಹದ ಭಾರತದ ಅಧ್ಯಕ್ಷ ವಿಕ್ರಂ ಪವ್ಹಾ ಮಾಹಿತಿ ನೀಡಿದ್ದಾರೆ.