ಜಿಎಸ್‌ಟಿ: ಸೆ. 1ರಿಂದ ಹೊಸ ನಿಯಮ
Published 27 ಆಗಸ್ಟ್ 2021, 14:55 IST
Gst time set elements icons
ನವದೆಹಲಿ: ಹಿಂದಿನ ಎರಡು ತಿಂಗಳುಗಳಲ್ಲಿ ಸತತವಾಗಿ ಜಿಎಸ್‌ಟಿಆರ್‌–3ಬಿ ವಿವರ ಸಲ್ಲಿಸದವರು, ತಾವು ಪೂರೈಕೆ ಮಾಡಿರುವ ವಸ್ತುಗಳ ಅಥವಾ ತಾವು ನೀಡಿದ ಸೇವೆಗಳ ವಿವರವನ್ನು ಜಿಎಸ್‌ಟಿಆರ್‌–1 ಮೂಲಕ ಸಲ್ಲಿಸುವ ಅವಕಾಶ ಸೆಪ್ಟೆಂಬರ್‌ 1ರಿಂದ ಇರುವುದಿಲ್ಲ.
ವ್ಯಾಪಾರಿಗಳು ಪ್ರತಿ ತಿಂಗಳು ಜಿಎಸ್‌ಟಿಆರ್‌–1 ವಿವರಗಳನ್ನು 11ನೆಯ ತಾರೀಕಿನೊಳಗೆ ಸಲ್ಲಿಸುತ್ತಾರೆ. ತೆರಿಗೆ ಪಾವತಿಸುವ ಜಿಎಸ್‌ಟಿಆರ್‌–3ಬಿ ವಿವರವನ್ನು 20ರಿಂದ 24ನೆಯ ತಾರೀಕಿನೊಳಗೆ ಸಲ್ಲಿಸಲಾಗುತ್ತದೆ.
ಮೂರು ತಿಂಗಳಿಗೆ ಒಮ್ಮೆ ವಿವರ ಸಲ್ಲಿಸುವವರಿಗೆ, ಹಿಂದಿನ ತೆರಿಗೆ ಅವಧಿಯಲ್ಲಿ ಜಿಎಸ್‌ಟಿಆರ್‌–3ಬಿ ಸಲ್ಲಿಸದಿದ್ದಲ್ಲಿ, ಜಿಎಸ್‌ಟಿಆರ್‌–1 ವಿವರ ಸಲ್ಲಿಸುವ ಅವಕಾಶ ನಿರಾಕರಿಸಲಾಗುತ್ತದೆ ಎಂದು ಜಿಎಸ್‌ಟಿ ನೆಟ್‌ವರ್ಕ್‌ ಸಂಸ್ಥೆ ಹೇಳಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.