ಸುಂಕ ವಂಚನೆ: ವೋಕ್ಸ್‌ವ್ಯಾಗನ್‌ಗೆ ನೋಟಿಸ್‌

ನವದೆಹಲಿ: ಕಸ್ಟಮ್ಸ್ ಸುಂಕ ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಷೋಕಾಸ್ ನೋಟಿಸ್‌ ಸ್ವೀಕರಿಸಲಾಗಿದ್ದು, ಅಧಿಕಾರಿಗಳ ವಿಚಾರಣೆಗೆ ಸಂಪೂರ್ಣ ಸಹಕಾರ ನೀಡಲಾಗುವುದು ಎಂದು ಜರ್ಮನಿಯ ವಾಹನಗಳ ತಯಾರಿಕಾ ಕಂಪನಿ ವೋಕ್ಸ್‌ವ್ಯಾಗನ್ ತಿಳಿಸಿದೆ.

ಆಮದು ಕಾರುಗಳಿಗೆ ಸಂಬಂಧಿಸಿದಂತೆ ₹11 ಸಾವಿರ ಕೋಟಿ ಕಸ್ಟಮ್ಸ್‌ ಸುಂಕ ವಂಚನೆ ಪ್ರಕರಣದ ಬಗ್ಗೆ ನೋಟಿಸ್ ಸ್ವೀಕರಿಸಲಾಗಿದೆ. ನೋಟಿಸ್‌ ಬಗ್ಗೆ ಪರಿಶೀಲನೆ ನಡೆಸಲಾಗುತ್ತಿದೆ ಎಂದು ಸ್ಕೋಡಾ ಆಟೊ ವೋಕ್ಸ್‌ವ್ಯಾಗನ್ ಇಂಡಿಯಾ ತಿಳಿಸಿದೆ.

ಕಂಪನಿಯು ಜಾಗತಿಕ ಹಾಗೂ ಸ್ಥಳೀಯ ಕಾನೂನು ಮತ್ತು ನಿಯಮಾವಳಿಗಳನ್ನು ಪಾಲಿಸಲಿದೆ ಎಂದು ಹೇಳಿದೆ.