‌ಕೋಥಾಸ್‌ ಕಾಫಿಗೆ 75ರ ಸಂಭ್ರಮ: ಹೊಸ ಲೋಗೊ, ಉತ್ಪನ್ನ ಮಾರುಕಟ್ಟೆಗೆ

ಬೆಂಗಳೂರು: ಕೋಥಾಸ್ ಕಾಫಿ ಕಂಪನಿಯು 75 ವರ್ಷ ಪೂರ್ಣಗೊಳಿಸಿದ ಪ್ರಯುಕ್ತ ಶುಕ್ರವಾರ ಹೊಸ ಲೋಗೊ ಮತ್ತು ಉತ್ಪನ್ನಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

₹2, ₹3 ಮತ್ತು ₹5 ಬೆಲೆಯ ಇನ್‌ಸ್ಟಂಟ್ ಕಾಫಿ ಸ್ಯಾಷೆಗಳು ಮತ್ತು ಕೋಲ್ಡ್‌ ಕಾಫಿಗಳ ಶ್ರೇಣಿಗಳನ್ನು ಬಿಡುಗಡೆ ಮಾಡಿದೆ.

‘ಕೋಥಾಸ್ ಕಾಫಿಯು ಗ್ರಾಹಕರಿಗೆ ವಿಶಿಷ್ಟ ಕಾಫಿಯ ಅನುಭವ ನೀಡಲಿದೆ. ಹಲವು ವರ್ಷದಿಂದ ನಾವು ನಮ್ಮ ಮೂಲ ರುಚಿಯನ್ನು ಕಾಪಾಡಿಕೊಂಡು ಬಂದಿದ್ದೇವೆ. ಈಗಾಗಲೇ ₹300 ಕೋಟಿಯ ಆದಾಯ ಹೊಂದಿರುವ ಕಂಪನಿಯು ಮುಂದಿನ ಮೂರು ವರ್ಷದಲ್ಲಿ ₹1,000 ಕೋಟಿ ಆದಾಯ ಗಳಿಸುವ ಗುರಿ ಹೊಂದಿದೆ’ ಎಂದು ಕೋಥಾಸ್ ಕಾಫಿಯ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಸಿ.ಕೆ. ಶ್ರೀನಾಥನ್ ತಿಳಿಸಿದ್ದಾರೆ. 

‘ಶೀಘ್ರವೇ, ದುಬೈನಲ್ಲಿ ಕೋಥಾಸ್‌ನ ಮೊದಲ ಅಂತರರಾಷ್ಟ್ರೀಯ ಶಾಖೆ ಆರಂಭವಾಗಲಿದೆ. ದೇಶದಲ್ಲಿ ಅಂಗಡಿಗಳ ಸಂಖ್ಯೆಯನ್ನು 100ಕ್ಕೆ ಹೆಚ್ಚಿಸಲು ನಿರ್ಧರಿಸಲಾಗಿದೆ. ದೇಶದಾದ್ಯಂತ ಕಾಫಿ ವೆಂಡಿಂಗ್ ಯಂತ್ರಗಳನ್ನು ಅಳವಡಿಸಲಾಗುವುದು’ ಎಂದು ಕೋಥಾಸ್ ಕಾಫಿಯ ನಿರ್ದೇಶಕ ಸಿ.ಎಸ್. ನಿತಿನ್ ತಿಳಿಸಿದ್ದಾರೆ.