ಸಾಲ ನೀಡಿಕೆಯಲ್ಲಿ ಪ್ರಗತಿ ನಿರೀಕ್ಷೆ

ಮುಂಬೈ : ಮುಂದಿನ ಹಣಕಾಸು ವರ್ಷದಲ್ಲಿ ಬ್ಯಾಂಕ್‌ ಮತ್ತು ಬ್ಯಾಂಕೇತರ ಹಣಕಾಸು ಸಂಸ್ಥೆಗಳಿಂದ (ಎನ್‌ಬಿಎಫ್‌ಸಿ) ಸಾಲ ವಿತರಣೆ ಪ್ರಮಾಣ ಶೇ 8 ರಿಂದ ಶೇ 9ರಷ್ಟು ಏರಿಕೆ ಕಾಣಲಿದೆ ಎಂದು ವರದಿ ತಿಳಿಸಿದೆ.

ದೀರ್ಘ ಸಮಯದಿಂದ ಕಡಿಮೆಯಾಗಿದ್ದ ಬ್ಯಾಂಕ್‌ಗಳ ಸಾಲ ನೀಡಿಕೆ ಪ್ರಮಾಣವು 2020ರಲ್ಲಿ ಒಂದಿಟ್ಟು ಚೇತರಿಕೆ ಕಾಣಲಿದೆ. 2019–20ರಲ್ಲಿ ಸಾಲ ನೀಡಿಕೆ ಪ್ರಮಾಣವು ಶೇ 6ರಷ್ಟಿತ್ತು.

ಹಣಕಾಸು ವರ್ಷ ಕೊನೆಗೊಳ್ಳಲಿರುವ ನಾಲ್ಕನೇ ತ್ರೈಮಾಸಿಕದಲ್ಲಿ ಆರ್ಥಿಕ ಬೆಳವಣಿಗೆ ಪ್ರಗತಿ ಕಾಣುವ ಸಾಧ್ಯತೆ ಇದೆ. ಬ್ಯಾಂಕ್‌ಗಳ ನಗದು ಮೀಸಲು ಅನುಪಾತದಲ್ಲಿ ಆರ್‌ಬಿಐ ನೀಡಿರುವ ವಿನಾಯ್ತಿಯು ‘ಎಂಎಸ್‌ಎಂಇ’ ಸೇರಿದಂತೆ ಹಲವಾರು ವಲಯಗಳಲ್ಲಿ ಸಾಲ ನೀಡಿಕೆಗೆ ಉತ್ತೇಜನ ನೀಡಲಿದೆ ಎಂದು ರೇಟಿಂಗ್‌ ಏಜೆನ್ಸಿ ಕ್ರಿಸಿಲ್‌ ವರದಿಯಲ್ಲಿ ತಿಳಿಸಲಾಗಿದೆ.

ಅಂಕಿ ಅಂಶ

2019–20; 6 %

2020–21; 8 ರಿಂದ 9 %*

(* ನಿರೀಕ್ಷೆ)