ಪಿಎಫ್‌ ಖಾತೆಗೆ ಆಧಾರ್ ಜೋಡಣೆ: ಸೆ. 1ರವರೆಗೆ ಅವಕಾಶ

ನವದೆಹಲಿ: ಪಿಎಫ್‌ ಖಾತೆಗೆ ಆಧಾರ್ ಜೋಡಣೆಯನ್ನು ಕಡ್ಡಾಯ ಮಾಡುವುದನ್ನು ಕಾರ್ಮಿಕರ ಭವಿಷ್ಯ ನಿಧಿ ಸಂಘಟನೆಯು(ಇಪಿಎಫ್‌ಒ) ಸೆಪ್ಟೆಂಬರ್ 1ರವರೆಗೂ ತಡೆ ಹಿಡಿದಿದೆ. ಇದರಿಂದಾಗಿ ಉದ್ಯೋಗದಾತರಿಗೆ ತಮ್ಮ ಉದ್ಯೋಗಿಗಳ ಆಧಾರ್‌ ಸಂಖ್ಯೆಯನ್ನು ಪಿಫ್‌ ಖಾತೆಗೆ ಜೋಡಿಸಲು ಹೆಚ್ಚಿನ ಕಾಲಾವಕಾಶ ಸಿಕ್ಕಿದೆ.

ಇಪಿಎಫ್‌ಒ ಬಿಡುಗಡೆ ಮಾಡಿದ ಅಧಿಕೃತ ಸುತ್ತೋಲೆಯ ಪ್ರಕಾರ, ಯುಎಎನ್‌ನೊಂದಿಗೆ ಆಧಾರ್ ಸಂಖ್ಯೆಯನ್ನು ಜೋಡಣೆ ಮಾಡುವ ಕೊನೆಯ ದಿನಾಂಕವನ್ನು 2021 ರ ಜೂನ್ 1 ರಿಂದ 2021 ರ ಸೆಪ್ಟೆಂಬರ್ 1 ರವರೆಗೆ ವಿಸ್ತರಿಸಲಾಗಿದೆ.