ಚಿನ್ನದ ಬೇಡಿಕೆ ಇಳಿಕೆ

ನವದೆಹಲಿ: ದೇಶದ ಚಿನ್ನದ ಬೇಡಿಕೆಯು 2019ರಲ್ಲಿ ಶೇ 9ರಷ್ಟು ಇಳಿಕೆಯಾಗಿದ್ದು 690 ಟನ್‌ಗಳಷ್ಟಾಗಿದೆ ಎಂದು ವಿಶ್ವ ಚಿನ್ನ ಮಂಡಳಿಯು (ಡಬ್ಲ್ಯುಜಿಸಿ) ತಿಳಿಸಿದೆ.

ಮೌಲ್ಯದ ಲೆಕ್ಕದಲ್ಲಿ ಶೇ 3ರಷ್ಟು ಏರಿಕೆಯಾಗಿದ್ದು, ₹ 2,17,770 ಕೋಟಿಗೆ ತಲುಪಿದೆ. 2018ರಲ್ಲಿ ₹ 2,11,860 ಕೋಟಿ ಇತ್ತು.

ಚಿನ್ನದ ಧಾರಣೆ ಗರಿಷ್ಠ ಮಟ್ಟದಲ್ಲಿರುವುದು ಹಾಗೂ ಮಂದಗತಿಯ ಆರ್ಥಿಕ ಬೆಳವಣಿಗೆಯು ರಿಟೇಲ್‌ ಖರೀದಿ ಮೇಲೆ ಪರಿಣಾಮ ಬೀರಿದೆ.

ದೇಶಿ ಚಿನ್ನದ ಬೆಲೆ 2019ರ ವರ್ಷಾಂತ್ಯದಲ್ಲಿ 10ಗ್ರಾಂಗೆ ₹ 40 ಸಾವಿರದ ಆಸುಪಾಸಿನಲ್ಲಿತ್ತು. 2018ರಲ್ಲಿ ಇದ್ದ ಧಾರಣೆಗೆ ಹೋಲಿಸಿದರೆ ಶೇ 24ರಷ್ಟು ಏರಿಕೆ ಕಂಡಿದೆ.

‘ಹಾಲ್‌ಮಾರ್ಕ್‌ ಕಡ್ಡಾಯಗೊಳಿಸುವುದೂ ಸೇರಿದಂತೆ ಹಲವು ಬದಲಾವಣೆಗಳು ದೀರ್ಘಾವಧಿಯಲ್ಲಿ ಸಂಘಟಿತ ವಲಯದಲ್ಲಿ ಚಿನ್ನದ ಬೇಡಿಕೆ ಹೆಚ್ಚಾಗುವಂತೆ ಮಾಡಲಿದೆ’ ಎಂದು ಸಮಿತಿಯ ಭಾರತದ ವ್ಯವಸ್ಥಾಪಕ ನಿರ್ದೇಶಕ ಸೋಮಸುಂದರಂ ಪಿ.ಆರ್‌. ಹೇಳಿದ್ದಾರೆ.