ಚಿನ್ನದ ದರ ₹111 ಏರಿಕೆ, ಬೆಳ್ಳಿ ₹67 ಇಳಿಕೆ

ನವದೆಹಲಿ: ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್‌ ಪ್ರಕಾರ, ರಾಷ್ಟ್ರ ರಾಜಧಾನಿಯಲ್ಲಿ ಚಿನ್ನದ ಧಾರಣೆಯು ತಲಾ 10 ಗ್ರಾಂಗೆ ₹111ರವರೆಗೂ ಏರಿಕೆಯಾಗಿದೆ.

ಬುಧವಾರದ ವಹಿವಾಟಿನಲ್ಲಿ ದೆಹಲಿಯಲ್ಲಿ 10 ಗ್ರಾಂಗೆ ₹42,381 ತಲುಪಿದ್ದ ಚಿನ್ನದ ದರ, ಗುರುವಾರ ₹42,492 ಆಗಿದೆ.

₹48,666 ಇದ್ದ ಪ್ರತಿ ಕೆಜಿ ಬೆಳ್ಳಿ ದರ, ₹67 ಇಳಿಕೆಯಾಗಿ ₹48,599 ಆಗಿದೆ.

ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪ್ರತಿ ಔನ್ಸ್‌ (28.34 ಗ್ರಾಂ) ಚಿನ್ನ 1,609.60 ಡಾಲರ್‌ ಹಾಗೂ ಪ್ರತಿ ಔನ್ಸ್‌ ಬೆಳ್ಳಿ 18.26 ಡಾಲರ್‌ನಲ್ಲಿ ವಹಿವಾಟು ನಡೆದಿದೆ. ಡಾಲರ್‌ ಎದುರು ರೂಪಾಯಿ ಮೌಲ್ಯ ವಹಿವಾಟು ಆರಂಭದಲ್ಲಿ 23 ಪೈಸೆ ಕುಸಿದಿತ್ತು.

ಮದುವೆ ಸಮಾರಂಭದ ಬೇಡಿಕೆ ಮತ್ತು ಜಾಗತಿಕ ಮಾರುಕಟ್ಟೆಯಲ್ಲಿ ಚಿನ್ನದ ದರ ಹೆಚ್ಚಾಗಿರುವುದರಿಂದ ದೇಶಿ ಮಾರುಕಟ್ಟೆಯಲ್ಲಿಯೂ ಬೆಲೆ ಏರಿಕೆಯಾಗಿದೆ.