ಬೆಳ್ಳಿಗೆ ಐಚ್ಛಿಕ ಹಾಲ್‌ಮಾರ್ಕ್‌

ನವದೆಹಲಿ: ಬೆಳ್ಳಿಯ ಆಭರಣಗಳು ಹಾಗೂ ವಸ್ತುಗಳಿಗೆ ಸೆಪ್ಟೆಂಬರ್‌ 1ರಿಂದ ಅನ್ವಯ ಆಗುವಂತೆ ಐಚ್ಛಿಕ ಹಾಲ್‌ಮಾರ್ಕಿಂಗ್ ನಿಯಮವನ್ನು ಜಾರಿಗೆ ತಂದಿರುವುದಾಗಿ ಕೇಂದ್ರ ಸರ್ಕಾರ ಗುರುವಾರ ಹೇಳಿದೆ.

ಹೊಸ ವ್ಯವಸ್ಥೆಯ ಅಡಿಯಲ್ಲಿ ಗ್ರಾಹಕರು ಬೆಳ್ಳಿಯ ವಸ್ತುವು ಯಾವ ಬಗೆಯದ್ದು, ಶುದ್ಧತೆಯು ಯಾವ ಪ್ರಮಾಣದ್ದು, ಹಾಲ್‌ಮಾರ್ಕ್‌ನ ದಿನಾಂಕ ಮುಂತಾದ ವಿವರಗಳನ್ನು ಬಿಐಎಸ್‌ ಕೇರ್‌ ಮೊಬೈಲ್‌ ಆ್ಯಪ್‌ ಮೂಲಕ ತಿಳಿದುಕೊಳ್ಳಬಹುದು ಎಂದು ಪ್ರಕಟಣೆ ತಿಳಿಸಿದೆ.