GST ಪರಿಷ್ಕರಣೆ: ಯಾವೆಲ್ಲ ವಸ್ತುಗಳಿಗೆ ಶೂನ್ಯ ತೆರಿಗೆ?

ನವದೆಹಲಿ: ದಿನ ಬಳಕೆಯ ಹಲವು ಪದಾರ್ಥಗಳು ಸೇರಿದಂತೆ ರಕ್ಷಣಾ ಸಾಮಗ್ರಿಗಳ ವರಗೆ ವಿವಿಧ ರೀತಿಯ ವಸ್ತುಗಳ ಮೇಲಿನ ಸರಕು ಮತ್ತು ಸೇವಾ ತೆರಿಗೆಯನ್ನು (ಜಿಎಸ್‌ಟಿ) ತೆಗೆದುಹಾಕಲಾಗಿದೆ.

ಬುಧವಾರ ನಡೆದ ಜಿಎಸ್‌ಟಿ ಮಂಡಳಿ ಸಭೆಯಲ್ಲಿ ಈ ಮಹತ್ವದ ಕ್ರಮ ಕೈಗೊಳ್ಳಲಾಗಿದೆ.

‌ಜಿಎಸ್‌ಟಿ ವ್ಯವಸ್ಥೆಯ ಅಡಿಯಲ್ಲಿ ಸದ್ಯ ಇರುವ ನಾಲ್ಕೂ ಹಂತಗಳಲ್ಲಿ ತೆರಿಗೆ ವ್ಯಾಪ್ತಿಯಲ್ಲಿದ್ದ ಹಲವು ಪದಾರ್ಥಗಳಿಗೆ ತೆರಿಗೆ ವಿನಾಯಿತಿ ಸಿಕ್ಕಿರುವುದರಿಂದ, ಜನಸಾಮಾನ್ಯರು ನಿರಾಳರಾಗಿದ್ದಾರೆ.

ಪರಿಷ್ಕೃತ ದರ ಸೆಪ್ಟೆಂಬರ್‌ 22ರಿಂದ ಜಾರಿಯಾಗಲಿದೆ.

ತೆರಿಗೆ ವಿನಾಯಿತಿ ಪಡೆದ ವಸ್ತುಗಳು

ಆಹಾರ ಪದಾರ್ಥಗಳು

• ‘ಯುಎಚ್‌ಟಿ (ಅಲ್ಟ್ರಾ ಹೈ ಟೆಂಪರೇಚರ್‌) ಹಾಲು: ಶೇ 5ರಿಂದ 0

• ಪನೀರ್‌: ಶೇ 5ರಿಂದ 0

• ಫಿಜ್ಜಾ ತಯಾರಿಗೆ ಬಳಸುವ ಬ್ರೆಡ್‌: ಶೇ 5ರಿಂದ 0

• ಚಪಾತಿ: ಶೇ 5ರಿಂದ 0

• ಪರೋಟ, ಬ್ರೆಡ್‌: ಶೇ 18ರಿಂದ 0

ಆರೋಗ್ಯ

ಶೇ 5ರಷ್ಟು ಹಾಗೂ ಶೇ 12 ರಷ್ಟು ತೆರಿಗೆ ವ್ಯಾಪ್ತಿಯಲ್ಲಿದ್ದ ವಿವಿಧ ರೀತಿಯ ಔಷಧಗಳಿಗೆ ತೆರಿಗೆ ವಿನಾಯಿತಿ ನೀಡಲಾಗಿದೆ.

ಶಿಕ್ಷಣ

• ಎರೇಸರ್‌: ಶೇ 5ರಿಂದ 0

• ಅಟ್ಲಾಸ್‌ ಸೇರಿದಂತೆ ವಿವಿಧ ರೀತಿಯ ಭೂಪಟಗಳು: ಶೇ 12ರಿಂದ 0

• ಪೆನ್ಸಿಲ್‌, ಪೆನ್ಸಿಲ್‌ ಶಾರ್ಪನರ್‌, ಬಣ್ಣದ ಬಳಪ: ಶೇ 12ರಿಂದ 0

• ನೋಟ್‌ಬುಕ್‌, ಅಭ್ಯಾಸ ಪುಸ್ತಕ, ಪ್ರಾಯೋಗಿಕ ಪುಸ್ತಕ: ಶೇ 12ರಿಂದ 0

ಕಾಗದ

ಸಂಸ್ಕರಿಸದ ಕಾಗದ ಹಾಗೂ ಪಠ್ಯಪುಸ್ತಕ, ನೋಟ್‌ಬುಕ್‌ಗಳಿಗೆ ಬಳಸುವ ರಟ್ಟು: ಶೇ 5ರಿಂದ 0

ವಿಮೆ

• ಎಲ್ಲಾ ವೈಯಕ್ತಿಕ ಆರೋಗ್ಯ ವಿಮೆ: ಶೇ 18ರಿಂದ 0

• ಎಲ್ಲಾ ವೈಯಕ್ತಿಕ ಜೀವ ವಿಮೆ: ಶೇ 18ರಿಂದ 0

ರಕ್ಷಣೆ ಹಾಗೂ ಇತರ ಸೇವೆಗಳು

• ಮಾನವರಹಿತ ಕ್ಯಾಮೆರಾ ಆಧಾರಿತ ವಿಮಾನಗಳು: ಶೇ 18ರಿಂದ 0

• ಕಲಾಕೃತಿಗಳು ಮತ್ತು ಪ್ರಾಚೀನ ವಸ್ತುಗಳು: ಶೇ 18ರಿಂದ 0

• ವಿಮಾನ ಚಲನೆ ನಿಯಂತ್ರಕ ಹಾಗೂ ಇತರ ಬಿಡಿ ಭಾಗಗಳು: ಶೇ 18ರಿಂದ 0

• ಕಚ್ಚಾ ಹಾಗೂ ಪಾಲಿಷ್‌ ಮಾಡಿದ ವಜ್ರ: ಶೇ 18ರಿಂದ 0

• ಕಡಿಮೆ ಶಬ್ಧದ ಧ್ವನಿವರ್ದಕಗಳು: ಶೇ 18ರಿಂದ 0

• ಸಮಗ್ರ ವಾಯುರಕ್ಷಣಾ ಶಸ್ತ್ರಾಸ್ತ್ರ ವ್ಯವಸ್ಥೆಗೆ ಸಂಬಂಧಿಸಿದ ವಸ್ತುಗಳು: ಶೇ 18ರಿಂದ 0

• ಸೇನಾ ಸರಬರಾಜು ವಿಮಾನ: ಶೇ 18ರಿಂದ 0

• ರಕ್ಷಣಾ ನೌಕೆಗಳು: ಶೇ 18ರಿಂದ 0

• ಮಾನವರಹಿತ ನೌಕೆಗಳು: ಶೇ 18ರಿಂದ 0

• ಯುದ್ಧ ವಿಮಾನಗಳಲ್ಲಿ ತುರ್ತು ಸಂದರ್ಭದಲ್ಲಿ ಹೊರನೂಕುವ ಆಸನ: ಶೇ 18ರಿಂದ 0

• ಡ್ರೋನ್‌ಗಳಿಗೆ ಬಳಸುವ ಶಕ್ತಿಶಾಲಿ ಬ್ಯಾಟರಿಗಳು, ಸುಧಾರಿತ ಸಾಮಗ್ರಿಗಳು: ಶೇ 18ರಿಂದ 0

• ನೌಕೆಗಳಿಂದ ಉಡಾಯಿಸಬಹುದಾದ ಕ್ಷಿಪಣಿಗಳು: ಶೇ 18ರಿಂದ 0

• ಸೇನಾ ಬಳಕೆಯ ರಿಮೋಟ್ ಆಧಾರಿತ ವಿಮಾನ: ಶೇ 18ರಿಂದ 0

• ಫಿರಂಗಿ, ರೈಫಲ್ಸ್‌ನಂತಹ ಶಸ್ತ್ರಾಸ್ತ್ರಗಳ ಬಿಡಿ ಭಾಗಗಳು, ಉಪ-ಜೋಡಣೆಗಳು, ಪರಿಕರಗಳು, ಪರೀಕ್ಷಾ ಉಪಕರಣಗಳು: ಶೇ 18ರಿಂದ 0