ಮುಂಬೈ: ಐಸಿಐಸಿಐ ಬ್ಯಾಂಕ್ನ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ (ಸಿಇಓ) ಹುದ್ದೆಗೆ ಚಂದಾ ಕೊಚ್ಚಾರ್ ಗುರುವಾರ ರಾಜೀನಾಮೆ ನೀಡಿದ ಬಳಿಕ ಬ್ಯಾಂಕಿನ ಷೇರುಗಳ ಬೆಲೆ ದಿಢೀರನೆ ಶೇ 6ರಷ್ಟು ಏರಿಕೆಯಾಗಿದೆ.
ಕೊಚ್ಚಾರ್ ಅವರ ರಾಜೀನಾಮೆ ಸ್ವೀಕಾರದ ಬೆನ್ನಲ್ಲೇ, ಷೇರು ಬೆಲೆ ಶೇ 5.69ರಷ್ಟು ಏರಿಕೆಯಾಗಿ ₹ 320.90ಕ್ಕೆ ತಲುಪಿದೆ. ರಾಷ್ಟ್ರೀಯ ಷೇರುಪೇಟೆ ‘ನಿಫ್ಟಿ’ಯಲ್ಲಿಯೂ ಷೇರಿನ ಬೆಲೆ ಶೇ 5.77ರಷ್ಟು ಏರಿಕೆ ಕಂಡು ₹ 321.25ಕ್ಕೆ ತಲುಪಿತು. ಮಧ್ಯಾಹ್ನ ನಂತರದ ವಹಿವಾಟಿನಲ್ಲಿ ಪ್ರಮುಖ ಷೇರುಗಳ ಪೈಕಿ ಗರಿಷ್ಠ ಏರಿಕೆ ಕಂಡಿತು.
ಹುದ್ದೆಯಿಂದ ಆದಷ್ಟು ಬೇಗ ತಮ್ಮನ್ನು ಬಿಡುಗಡೆ ಮಾಡಬೇಕೆಂಬ ಚಂದಾ ಕೊಚ್ಚಾರ್ ಮಾಡಿದ್ದ ಮನವಿಗೆ ಸ್ಪಂದಿಸಿದ ಬ್ಯಾಂಕ್ನ ನಿರ್ದೇಶಕರ ಮಂಡಳಿಯು, ತಕ್ಷಣದಿಂದಲೇ ಜಾರಿಗೆ ಬರುವಂತೆ ಅವರನ್ನು ಸಿಇಓ ಹುದ್ದೆಯಿಂದ ಬಿಡುಗಡೆ ಮಾಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.