ಕೈಗಾರಿಕಾ ವಲಯದ ಉತ್ಪಾದನೆ: ಶೇ 0.2ರಷ್ಟು ಅಲ್ಪ ಬೆಳವಣಿಗೆ

ನವದೆಹಲಿ: ಗಣಿಗಾರಿಕೆ ಮತ್ತು ವಿದ್ಯುತ್‌ ವಲಯದ ಗರಿಷ್ಠ ಬೆಳವಣಿಗೆಯ ಹೊರತಾಗಿಯೂ ದೇಶದ ಕೈಗಾರಿಕಾ ವಲಯದ ಉತ್ಪಾದನೆಯು ಸೆಪ್ಟೆಂಬರ್‌ನಲ್ಲಿ ಶೇ 0.2ರಷ್ಟು ಅಲ್ಪ ಪ್ರಗತಿ ಸಾಧಿಸಿದೆ. 2019ರ ಸೆಪ್ಟೆಂಬರ್‌ನಲ್ಲಿ ಶೇ 4.6ರಷ್ಟು ಕುಸಿತ ಕಂಡಿತ್ತು.

ಕೈಗಾರಿಕಾ ಉತ್ಪಾದನಾ ಸೂಚ್ಯಂಕದದ (ಐಐಪಿ) ಪ್ರಕಾರ ತಯಾರಿಕಾ ವಲಯದ ಉತ್ಪಾದನೆ ಶೇ 0.6ರಷ್ಟು ಇಳಿಕೆ ಆಗಿದೆ ಎಂದು ಸಾಂಖ್ಯಿಕ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯವು ಪ್ರಕಟಣೆಯಲ್ಲಿ ತಿಳಿಸಿದೆ.