ವಾಹನ ಬೇಡಿಕೆ ಮೇಲೆ ಬಡ್ಡಿ ಹೆಚ್ಚಳದ ಪರಿಣಾಮ ಸದ್ಯಕ್ಕಿಲ್ಲ: ಮಾರುತಿ

ನವದೆಹಲಿ: ‘ಬಡ್ಡಿದರ ಹೆಚ್ಚಳವು ವಾಹನ ಬೇಡಿಕೆಯ ಮೇಲೆ ಇನ್ನೂ ಪರಿಣಾಮ ಬೀರಿಲ್ಲ. ಆದರೆ, ಸೆಮಿಕಂಡಕ್ಟರ್‌ ಕೊರತೆಯು ನಿವಾರಣೆ ಆದ ಬಳಿಕ ಮತ್ತು ತಯಾರಿಕೆ ಸಹಜ ಸ್ಥಿತಿಗೆ ಮರಳಿದ ನಂತರ ಬೇಡಿಕೆಯ ನಿಜವಾದ ಚಿತ್ರಣ ಸಿಗಲಿದೆ’ ಎಂದು ಮಾರುತಿ ಸುಜುಕಿ ಇಂಡಿಯಾದ ಹಿರಿಯ ಕಾರ್ಯನಿರ್ವಾಹಕ ಅಧಿಕಾರಿ ಶಶಾಂಕ್‌ ಶ್ರೀವಾಸ್ತವ ಹೇಳಿದ್ದಾರೆ.

ಗ್ರ್ಯಾಂಡ್‌ ವಿಟಾರಾ ಮತ್ತು ಬ್ರೆಜಾದಂತಹ ಹೊಸ ಉತ್ಪನ್ನಗಳನ್ನು ಬಿಡುಗಡೆ ಮಾಡಿದ ಬಳಿಕ ಗ್ರಾಹಕರಿಗೆ ವಿತರಣೆ ಮಾಡಬೇಕಿರುವ ವಾಹನಗಳ ಸಂಖ್ಯೆಯು ಕಳೆದ ತ್ರೈಮಾಸಿಕದಲ್ಲಿ 2.8 ಲಕ್ಷದಿಂದ 3.87 ಲಕ್ಷಕ್ಕೆ ಏರಿಕೆ ಆಗಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.

ಆರ್‌ಬಿಐ ಆಗಸ್ಟ್‌ ತಿಂಗಳ ಮೊದಲ ವಾರದಲ್ಲಿ ರೆಪೊ ದರವನ್ನು ಶೇಕಡ 0.50ರಷ್ಟು ಹೆಚ್ಚಿಸಿದೆ. ಮೇ ತಿಂಗಳ ಬಳಿಕ ಮೂರನೇ ಬಾರಿಗೆ ರೆಪೊ ದರ ಏರಿಕೆ ಮಾಡಲಾಗಿದೆ.